Headlines News :
Home » , , , , , , , » Australia Tenki Justu Rekoñese Media Line

Australia Tenki Justu Rekoñese Media Line

Written By Timor News Online on 10/29/2014 | 10:12 PM



Ministru Justisa (MJ), Dionisio Babo hateten katak, nasaun Autsralia tenki fer hodi rekoñese media line lei anklus kona ba tasi nian ne’ebé hasai iha 1981.
Kazu fronteira tasi Timor nian ne’e Primeiru Ministru (PM), Kay Rala Xanana Gusmão, husu ona ba Primeiru Ministru (PM), Australia, Tonny Abott, hodi suspende kazu ne’e ba fulan nen (6) nune’e Timor-Leste no Australia haree didiak fronteira ne’e hafoin rezolve.
Ministru ne’e informa katak, rezolusaun ne’ebé maka Parlamentu Nasional (PN), hasai foin dadauk ne’e atu fo poder ba Governu hodi kria Konselhu ida para toma konta ba fronteira tasi Timor nian, tamba to’o ona tempu para koalia ona fronteira tasi Timor.
“Uluk ita fraku hela maibe agora ita tenki koalia, ne’e soberania nasaun Timor nian no ne’e bazeia ba lei tasi nian 1981, lei anklus. Ita husu Australia para koalia buat ne’e,Australia tuir lolos tenki fair (justu), labele uza nia matenek ka nia forsa obriga Timor uza nafatin kontinental self,” informa Ministru Justisa (MJ), Dionisio Babo ba jornalista sira iha Hotel Timor, Kuarta (29/10).
Ministru ne’e hateten, nasaun seluk hanesan Indonesia no Nova Zelandia, Australia konkorda hodi halo media line, tamba saida maka ho Timor-Leste, Australia lakohi uza media line maibe hakarak uza nafatin kontinente self.
Tamba ne’e kazu fronteira maritima, Timor-Leste no Australia nian ne’e iha Tribunal Arbitrajen Singapura maibe Australia dada an.
“Ita prefere liu tamba sa maka ho nasaun sira seluk ho Nova Zelandia no Indonesia nia konkorda atu halo media line nusa maka pedasuk oan ida ba Timor tamba Timor Gap ne’e dada husi Tribunal Internasional, ne’e labele, Australia tenki fair i to’o ona tempu para ita koalia para Australia tenki rekoñese an katak nia halo buat ne’e lalos ida,”dehan nia.
Antes ne’e Primeiru Ministru (PM), Kay Rala Xanana Gusmão, husu ona ba PM Australia, Tonny Abott hodi suspende kazu ne’e ba fulan 6.
“Kazu ne’e hatama iha Tribunal Arbitrajen Singapura tamba ne’e maka Primeiru Ministru Australia, Tonny Abott hasoru ita nian Primeiru Ministru, Xanana iha Beijing, foin lalais ne’e husu para atu suspende ba fulan nen (6) atu diskute para haree tok, labele ba lai arbitrajen lai i ha’u hanoin ne’e importante teb-tebes, fulan 6 ne’e ita tenki deskuti i Australia tenki ho laran mós para nia rekoñese ona katak media line ne’e importante,”dehan nia.
Ministru Petroleo Rekursu Naturais (MPRM), Alfero Pires, afirma tan katak, MPRM sei kria Konselhu Marítima hodi trata fronteira tasi Timor nian tuir mandatu rezolusaun Parlamentu Nasional (PN) ne’ebé maka hasai iha dia 24 de Outubro 2014, liu husi enkontru segredu entre PM Xanana Gusmão no PN.
“Ami buka implementa rezolusaun ne’e depois ita fo hotu kona ba negosia kona ba fronteira ne’e ita ba hotu ba konselhu ida ne’e, ne’e ita iha direitu hotu atu forma para organiza an,”dehan Alfredo Pires.
Ministru ne’e hatutan, kona ba tratadu asuntu Maritima nian sei tau hamutuk iha Konselhu hodi bele haree liu kona ba asuntu Fronteira tasi Timor nian.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template