Headlines News :
Home » , , , , » BNCTL Kria Banko Movel

BNCTL Kria Banko Movel

Written By Timor News Online on 10/29/2014 | 9:57 PM



Banku Nasional Comercio Timor Leste (BNCTL) kria banku movel hodi atende idosos, veteranus, bolsa da maen no kliente seluk ho lais no dignu.
“Ami kria ida ne’e hodi fo atendementu diak ba ita nia komunidade iha area rural ho lais no fasil liu-liu ba veteranus, bosa da maen no idosos,” informa Manager Operasional BNCTL, Manuael Ragel da Cruz ba JN-Diario iha nia kna’ar fatin, Palapaço, Tersa (29/11).
Hare ba distansia, maioria komunidade hela iha area rural, ne’ebe dala ruma atu asesu osan iha banku mos susar tebes, tanba ne’e BNCTL tenta kria Banku Movel, nune’e bele fasilita diak liu tan komunidade sira.
Alende ne’e, bele fo aktividade kreditu ba kualker negosiu ba negosiante sira iha merkadu ho tipu negosiu saida deit, kreditu ba komundade agrikultura, kreditu ba projetu no ba Grupu feto iha area rurais, hodi hakbit ekonomia familia.
Manuel esplika, kreditu refere iha tipi oi-oin ba kada produtu ne’ebe nia estandar husi fulan neen (6) ba to’o tinan rua ba negosiu, fulan 24 ba projetu durasaun ho estandar humanu ne’ebe barak liu depende ba kontratu husi ministerio ne’ebe mak fo liu-liu infrasturtura.
Programa kreditu ba negosiante, agrikultura no grupu feto iha area rural, BNCTL implementa tiha ona iha fulan Agostu tinan ne’e no suporta ona empreza haat ho orsamentu mais de 5 milhoes, no sei remata fin do Dezembro.
“Lansamentu programa kreditu projetu sira ne’e foin hahu iha fulan Agostu tinan ida ne’e ga lae tanba ne’e too iha Outobro ne’e mais do 5 miloens tanba iha pasadu liu ba Governo suporta tan 10 milhoes mai iha BNCTL atu oinsa suporta ba iha ita nia emprezarius liu-liu ba sira ne’ebe kaer projetu,”esplika nia.
Bainhira husu oinsa prosesu kredito ba emprejario sira, nia (Manuel red) hatete normalmente ba kredito laiha durasaun tempu ida ne’ebe naruk maibe dala barak sai naruk tanba dala ruma prosedimentu ne’ebe dala ruma cliente tenki kompleta mak halo atraja fali kredito ne’ebe laos husi BNCTL maibe kliente rasik ne’ebe tuir lolos ho durasaun tempu seman ida kuando dokumentus kompletu.
Kuantia ne’ebe mak kada kliente kredito atu hatama fila fali ba banku automatika diferente konforme kauntia husi osan ne’ebe mak sira foti. Se foti $300 ho mil dolar, maibe nia funan sempre diferente.
“Tanba ami online hotu ona ne’ebe halao iha 13 Distritus ne’e online ne’enbe hau bele foti osan kualker Distritu ne’ebe iha aktividade banku movel ne’e ami mos hakarak halo on line ba iha area rurais maibe iha difikuldades oituan iha linha komunikasaun ne’ebe iha area balun ladun diak,’ esplika Manuel.Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template