Headlines News :
Home » , , , , , , , » Dezeñu Edifisiu Foun Parlamentu Seidauk Los

Dezeñu Edifisiu Foun Parlamentu Seidauk Los

Written By Timor News Online on 10/28/2014 | 8:43 PM



Parlamentu Nasional (PN) iha tinan kotuk (2013) tau ona orsamentu hodi harii edifisiu foun Parlamento, maibe to’o oras ne’e konstrusaun seidauk hahú tamba dezeñu seidauk los.
Orsamentu ba edifisiu foun nee um (1) milliaun USD tamba edifisiu ne’ebé iha oras ne’e dadauk ne’e tempu Portugues nian maka husik hela.
“Dezeñu seidauk loos ne’ebé seidauk,”dehan Primeiru (I) Vice Prezidente Parlamentu Nasional (PN), Adriano do Nascimento, ba JN-Diário iha PN, Segunda (27/10).
Tuir Primeiru Vice Prezidente PN ne’e katak, PN sei hein dezeñu no planu tamba atu halo Parlamentu foun ne’e ba tinan naruk tamba ne’e presiza iha dezeñu ne’ebé diak.
“Ami sei hein dezeñu, planu tamba atu halo Parlamentu ida la’os atu tinan 10, ka tinan 20 deit maibe to’o tinan atus ba atus. ,”dehan Adriano.
Adriano Nascimento hatutan tan katak, husi Partido Democratico (PD), ne’e esplika katak, to’o oras ne’e sei halo estudu komparativu ba nasaun bo’ot sira ne’ebé maka iha edifisiu Parlamentu hahú depois maka aumenta ba tinan naruk nian, tamba ne’e sei haree ba prosesu sira ne’e hotu.
Xefe bankada partidu Congresso Nacional de Reconstrucção Timorense (CNRT), Natalino dos Santos, informa, iha tinan kotuk (2013) Parlamentu Nasional tau ona orsamentu hodi halo edifisiu Parlamentu nian.
No tuir planu atu halo iha Palacio Prezidensial, Nicolau Lobato nia kotuk maibe to’o oras ne’e seidauk hahú tamba sei halo estudu viabilidade ba edifisiu foun Parlamentu ne’e.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template