Headlines News :
Home » , , , , , , » FRETILIN Apresia Governu Muda Distritu Ba Munisípiu

FRETILIN Apresia Governu Muda Distritu Ba Munisípiu

Written By Timor News Online on 10/28/2014 | 8:26 PM



Deputadu bankada FRETILIN apresia tebes ho polítika Governu nian atu muda distritu ba Munisípiu. No programa projetu pilotu muda Distritu ba Munisípiu ne’e sei implementa uluk ba distritu hat maka, Baucau, Dili, Liquiça no Maliana.
“Ha’u hanoin polítika governu nian ne’e di’ak teb-tebes i nia razaun ne’e ita sei diskuti,”hateten deputadu bankada FRETILIN, Inácio Moreira ba JN-Diário, Tersa (28/10) iha Parlamentu Nasionál (PN).
Nia hatutan, Parlamentu Nasionál (PN) sempre apoiu polítika Governu nian ne’ebé atu lori rai no povu ida ne’e ba moris di’ak.
Maske deputadu Inácio Moreira louva polítika Governu nian atu muda distritu ba munisípiu maibé, reprezentante povu ne’e mós husu ba governu presiza haree vantajen no dezvantajen husi desentralizasaun ne’e.
Iha fatin hanesan, deputadu Adriano João husi Bankada PD afirma katak, nia lakohi fó komentáriu ba ida ne’e, tanba nia seidauk hetan informasaun kona-ba rezulusaun atu muda Distritu ba Munisípiu.
“Ha’u seiduak iha informasaun kona-ba ida ne’e, ne’ebé ha’u lakohi halo komentáriu ba ida ne’e,”dehan Adriano João.
Tuir informasaun, foin lalais iha Sesta semana kotuk, hafoin Governu hala’o tiha enkontru segredu ho Parlamentu Nasional, Primeiru Ministru Kay Rala Xanana Gusmão lidera tan enkontru ida iha Konsellu Ministru hodi hasai rezolusaun ida kona-ba atu muda fali Distritu ba Munisípiu.
Iha enkontru Konsellu Ministru ne’ebé lidera rasik husi PM Xanana ne’e, remata iha tuku ida kalan no konsege hasai ona rezulusaun ne’e.
Alénde ne’e iha tinan kotuk, Xefi Governu Kay Rala Xanana Gusmão mós hala’o diálogu ho komunidade hodi koalia konaba desentralizasaun.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template