Headlines News :
Home » , , , , , , , , , » Hapara Juis Internasional PM Xanana Haruka Ona Karta Ba PM Portugal

Hapara Juis Internasional PM Xanana Haruka Ona Karta Ba PM Portugal

Written By Timor News Online on 10/29/2014 | 10:28 PM



Primeiru Ministru (PM), Kay Rala Xanana Gusmão, haruka ona karta ba Primeiru Ministru Portugal, Pedro Passos Coelho, hodi esklarese rezolusaun Parlamentu Nasional (PN) nian hodi hapara asesor no juis Internasional.
“Primeru Ministru mós haruka ona surat (karta-red) ba Primeiru Ministru Portugues hodi esplika katak ne’e la’os kontra Governu Portugues,”informa Ministro Justisa (MJ), Dionisio Babo ba jornalista sira iha Hotel Timor, Kuarta (29/10), hafoin partisipa iha seminario ne’ebé realiza husi Ministerio Petroleo Rekursu Minerais (MPRM), kona ba servisu Instituto do Petroleo e Geologia Instituto Públco (IPG-IP).
Ministru ne’e hatutan, karta ne’ebé PM Xanana Gusmão haruka ba PM Portugues, Pedro Passos Coelho, kona ba rezolusaun Parlamentu nian ho numero 11/2014 de 24 de Outubro hodi esplika katak, ho rezolusaun ne’e la’os atu estraga kooperasaun ne’ebé maka Timor-Leste no Portugal iha maibe tamba interese nasional.
“La’os atu estraga fali kooperasaun Timor ho Portugal maibe tamba interese nasional Parlamentu hasai desizaun hodi hapara Juis sira ne’e hotu, hodi hapara asesor Internasional sira i desizaun politika ne’e ita tenki halo tuir,”haktuir Dionisio Babo.
PM Xanana haruka karta ba PM Portugal tamba iha seitor justisa liu-liu asesor no juis sira barak maka sidadaun Portugues, entaun TL lakohi ema seluk mai atu estraga fali nia nasaun ho maneiras oi-oin ne’ebe perigu tebes.
Ministru ne’e hateten, nia rasik mós esplika ona ba embaixador Portugal iha Timor-Leste, Manuel Gonsalves de Jesus, kona ba rezolusaun ne’e.
“Ema barak iha seitor justisa ne’e ema barak mai husi Portugal deit, ha’u mós esplika ona ba embaixador Portugal nian,”dehan Dionisio Babo.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template