Headlines News :
Home » , , , , » Hasai Funsionariu La Ho Dignidade, FORAM Hala’o Asaun Protestu Hasoru BNU

Hasai Funsionariu La Ho Dignidade, FORAM Hala’o Asaun Protestu Hasoru BNU

Written By Timor News Online on 10/29/2014 | 8:23 PM

Sindikatu Front Trabalhador Maubere (FORAM) halo asaun protesta hasoru direktur Banku Nasional Ultra Marinu (BNU), tanba hasai nia funsionariu nain tolu la ho dignidade.
Porta Voz FORAM, Marvão Verdial Campos haktuir kazu ne’e ba JN-Diário katak, dirijente BNU halo diskriminasaun barak ona hasoru funsionarius, maibe sira nunka levanta. Ida ne’e primeira ves kazu ne’ebe levanta husi trabalhador nain tolu, tanba insatisfas.
Diskriminasaun ne’ebe BNU komete tuir FORAM mak, tratamentu lisensa (cuti,red) ba trabalhador sira lahanesan, hasai funsionarius la ho razaun klaru.
Tanba ne’e FORAM hamutuk ho trabalhador nain tolu, Manekas Martin, Ivo Correia no ida tan mai iha BNU atu ejiji sira nia direitu.
Nia esplika, Ivo Correia servisu iha BNU kuaze tinan10. Tanba nia kaben hetan fiar husi institusaun estadu hodi halao kna’ar iha rai liur, entaun nia husu lisensa fulan ida sein salariu atu akompaña nia kaben. Dirijente BNU fo autorizasaun, maibe bainhira nia fila fali mai halao nia kna’ar, nia hare nia absensia tau falta hotu kedas.
Liu tiha loron balun trabalhador feto ida husu lisensa tinan lima 5, dirijente BNU autoriza, ironia liu mak aumenta tempu to’o tinan 6 kompletu ho salariu anual.
“Asaun ne’e ami halo ne’e hanesan asaun silensiu, se ida ne’e mak dirijente BNU lakonsidera mak ami sei halo asaun bot hodi hapara hotu aktividade banku nian,” dehan Marvão Verdial Campos iha edifisiu BNU nia oin, Tersa (29/11).
Nia haktuir, esforsu hot-hotu trabalhador halo ona, hahu husi mediasaun BNU iha SEPFOPE, maibe dirijente BNU kontinua laiha vontade atu buka solusaun. Nune’e sira levanta problema ne’e mai FORAM hodi halao asaun protesta iha loron 4 Novembru. Se ida ne’e mak laiha solusaun, FORAM sei kontinua ho asaun pasifika ne’ebe bot involve sosiadade sivil ho komunidade.
Iha fatin hanesan, Manekas Martins nudar kolaborador ba ATM iha BNU hato’o, asaun ne’e husu responsabilidade BNU. Tuir lolos Manekas ne’ebe halao servisu durante tinan ida hetan ona pozisaun funsionariu difinitivu tuir kontratu BNU nian, maibe BNU hapara nia sein razaun.
“Tanba sa la renova hau nia kontratu, kolega barak mak ami tama hamutuk ne’e bele renova kontratu, nusa hau labele, ba hau ne’e la los,”tenik nia.
Hatan ba problema ne’e Jornalista Diario, tenta konfirma direktor geral BNU, maibe Sekertaria Direktor Geral BNU hatete katak presiza iha karta eskrita husi media hafoin bele fo intervista.Ina/mj1
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template