Headlines News :

Hasai Imunidade Emilia Ho Vicente

Written By Timor News Online on 10/30/2014 | 9:12 PM

Prosesu atu hasai imunidade Ministra Finansa Emilia Pires no Prezidente Parlamentu Nasional Vicente Guterres iha Parlamentu Nasional, tama ona iha prosesu.
hare ami nia informasaun:
Tuir Segundu Vice Prezidente Parlamentu Nasional, Aderito Hugo katak, instituisaun hot-hotu iha nia mekanismu rasik atu regula prosesu ida.
“Mekanismu atu hasai imunidade ba Ministra Finansa Emilia Pires ne’e la’o hela, Tribual ninia korespondensia orgaun kompetente la’o hela, i se iha hela prosesu nia laran,”informa Aderito Hugo ba Jornalista sira Kinta (30/10) iha Parlamentu Nasional.
Aderito hatutan, korespondensia Tribunal nian sei la’o hela, i Parlamentu Nasional mos iha nia mekanismu rasik atu hasai desizaun, hanesan Tribunal mos iha nia mekanismu rasik kona-ba ida ne’e.
Iha fatin hanesan, deputadu Eladio Faculto husi bankada FRETILIN mos hatete katak, kuandu Tribunal iha faktus ne’ebe forte atu hasai imunidade Prezidente Parlamentu Nasional, Vicente Guterres no Ministra Finansa Emilia Pires, Parlamentu Nasional sei kumpri.
“Hau hanoin prosedimentu ne’e, validu ba ema no orgaun hot-hotu. Karik Tribunal senti dehan, prosesu ida ne’e persija hasai sira nia imunidade, hau hanoinn ita hotu tenki hakruk ba ita nia justisa, no tenki halo tuir lei ne’ebé iha,”relata Eladio Faculto.
Maibe Eladio dehan, to’o agora nia seidauk hatene kona-ba karta Tribunal ne’ebe haruka ona ba Parlamentu, husu atu hasai imunidade Prezidente Parlamentu Nasional nian.
Eladio dehan, tuir nia hatene, prosesu ba atu hasai imunidade Prezidente Parlamentu Nasional nian ne’e iha ona prosesu.
“Hau hanoin kuandu iha ona dalan para hasai imunidade, hau hanoin ida ne’e to’o para atu halo julgamentu didiak, tanba membru ida labele lori nia imunidade para halo deveza ba ninia julgamentu,”tenik Eladio Faculto.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template