Headlines News :

Hasai Imunidade Prezidente PN Ne’e Normal

Written By Timor News Online on 10/28/2014 | 8:47 PM



Parlamentu Nasional (PN), konsidera hasai imunidade autoridade Estadu ida iha rai ne’e normal, maibe kona ba karta Tribunal Distritu Dili (TDD) nian ne’ebé haruka ona ba PN hodi hasai imunidade Prezidente Parlamentu Nasional (PN) Vicente Guterres ne’e deputadu sira seidauk hatene to’o agora. hare mos informasaun " Tribunal Haruka Ona Karta Ba PN – Husu Hasai Imunidade Vicente Guterres "
Antes ne’e Ministério Público (MP) hatama ona kazu Prezidente PN, Vicente Guterres nian ba Tribunal Distritu Dili (TDD) hodi halo julgamentu iha fulan oin mai. Maibe hetan rejesaun fali husi deputadu sira katak dehan seiduak simu.
“Imunidade ne’e, ema ne’e belum tentu sala. Ba Tribunal maka hateten dehan nia ne’e sala ou la sala, imunidade ne’e para ba koalia ho a vontade iha ne’eba, juis sira bele husu ho a vontade, ne’e normalmente ami halo,”dehan Primeiru (I) Vice Prezidente PN, Adriano do Nacimento, ba JN-Diário iha PN, Segunda (27/10).
Primeiru Vice Prezidente PN husi bankada Partido Democratico (PD) ne’e hateten, iha nasaun ne’ebé deit regras normal, ema hotu iha lei nia okos. Maibe karta akuzasaun husi MP ba Prezidente PN ne’e deputadu sira seidauk hatene.
Deputadu ne’e dehan, wainhira mesa Prezidente PN simu ona karta husi TDD, Prezidente PN rasik sei despaixa ba komisaun G ne’ebé trata asuntu Etika hodi fo nia pareser depois maka lori fila-fali ba plenaria hodi halo diskusaun maka hasai imunidade, maibe to’o oras ne’e komisaun G PN rasik seidauk simu despaixu husi Prezidente PN.
“Tribunal hato’o nia kartaun, Prezidente sei hatun ba komisaun etika, komisaun etika halo pareser depois lori mai Plenari depois plenaria deside atu levanta imunidade mas to’o agora komisaun etika seidauk halo buat ida, seidauk hetan karta,”dehan nia.
Durante ne’e PN hasai ona imunidade memebru Governu sira inklui kargu politiku sira seluk sobre kazu oi-oin ne’ebé maka komete, nune’e bele ba tuir prosesu julgamentu hanesan sidadaun bai-bain.
Nune’e mós Xefe bankada partido Congresso Nacional de Reconstrucção Timorense (CNRT), Natalino dos Santos, hateten katak, to’o ohin loron PN seidauk simu karta imunidade husi TDD, nu’udar partidu CNRT mós seidauk no hanesan mós Prezidente bankada CNRT nian to’o oras ne’e seidauk simu karta imunidade refere.
Xefe Bankada ne’e hateten PN sei haree didiak karta imunidade ne’ebé maka TDD haruka ba tamba Vicente Guterres hanesan Prezidente orgaun soberania ida.
Hanesan deputadu iha Segundo (II) Lejislatura, Natalino dos Santos hateten, kona ba hola kareta nian, iha II Lejislatura, deputadu sira hola tamba atu halo fiskalizasaun baze ne’e presiza transporte tamba ne’e maka PN foti desizaun hodi hola kareta ba deputadu sira.
Maibe oras ne’e dadauk MP akuza fali Prezidente PN, Vicente Guterres, katak iha prosesu hola kareta ne’e iha tendensia balun mosu katak iha Korupsaun Kolusaun no Nepotizmu (KKN), tamba ne’e deputadu ne’e hateten, deputadu sira ne’ebé simu kareta iha II lejislatura ne’e prontu ba hatan hotu iha Tribunal.
“Ami deputadu sira AMP (Aliansa Maioria Parlamentar) nian ne’ebé simu kareta ne’e prontu tama Becora hotu (prijaun Becora-red), la’os Vicente Guterres,”Natalino dos Santos, afirma.
Deputado ne’e afirma katak hafoin prosesu ne’e la’o iha Tribunal maka nota katak Prezidente PN, Vicente Guterres la sala, sei husu indiminizasaun, inklui mós ba media sira.
Nune’e mós deputadu husi bankada opozisaun Frente Revolusionario Timor-Leste Independente (FRETILIN), Aniceto Guterres, informa katak, husi media maka fo sai katak karta TDD haruka ona karta ba PN hodi hasai imunidade Prezidente PN nian maibe to’o oras ne’e deputadu sira seidauk hatene kona ba karta ne’e.
“Informasaun husi media maka dehan Tribunal haruka tiha ona karta ida mai iha ne’e, karta de notifikasaun mai iha Parlamentu atu hasai imunidade Prezidente Parlamentu ninian tamba kazu ida ne’ebé nia infrenta hela por em quanto ne’e mesa seidauk halo despaixu,”dehan Aniceto Guterres.
Deputadu husi bankada opozisaun ne’e esplika katak karta husi TDD maka tama ona iha PN maka PN liu husi plenaria sei diskuti tuir rekezitus regalias ka leis sira ne’ebé maka iha depois maka foti desizaun no sei halo mós votasaun maka hasai imunidade.dgx
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template