Headlines News :
Home » , , , , , , , , , » Instituisaun Hotu Tenki Kumpri Rezolusaun PN – Viola Konstituisaun Ne’e Komentariu

Instituisaun Hotu Tenki Kumpri Rezolusaun PN – Viola Konstituisaun Ne’e Komentariu

Written By Timor News Online on 10/29/2014 | 10:26 PM



Ministru Justisa (MJ), Dionisio Babo, hateten, instituisaun hotu-hotu iha rai ida ne’e tenki kumpri desizaun politika ne’ebé Parlamentu Nasional (PN) hasai ona liu husi rezolusaun hodi hapara kontratu ba asesor no juis Internasional tamba ne’e interese nasional.
“Desizaun politika ita tenki kumpri tamba ne’e mai husi orgaun ida ne’ebé a’as iha nasaun ida ne’e, ne’e la’os foin akontese iha Timor, iha nasaun barak mós kuandu to’o haree katak interese nasional maka as liu tenki,”informa Ministru Justisa (MJ), Dionisio Babo, ba jornalista sira iha Hotel Timor, Kuarta (29/10), hafoin partisipa iha seminariu ne’ebé realiza husi Ministerio Petroleo Recurso Minerais (MPRM), kona ba servisu Instituto do Petróleo e Geologia Instituto Público (IPG-IP).
Ministru ne’e hatutan, PN hanesan uma fukun nasional maka foti ona desizaun instituisaun hotu tenki kumpri. Basá desizaun ne’e tuir povu tomak nia hakarak.
“Parlamentu Nasional hanesan uma fukun nasional nia bele foti desizaun, nia foti desizaun ne’e dehan por exemplo dehan aban ita ba funu, ita ba funu, nia dehan aban instituisaun ne’e tenki para, ne’e tenki para tamba ne’e interese nasional agora asaun normativu instituisaun sira kraik ne’e maka tenki halo tuir regras konforme ho desizaun politika ne’e,”dehan Babo.
Ministru ne’e afirma katak, husi Ministerio Justisa (MJ) nian suspende ka hapara ona kontratu ba juis no asesor internasional iha Centro Formação Jurídico e Defensor Público.
Husi Tribunal no Ministerio Público (MP) nian instituisaun rua ne’ebe iha mekanizmu internal, tamba ne’e konselhu sei reuni depois maka hapara kontratu asesor no juis Internasional sira inklui mós iha Komisaun Anti Korupsaun (KAK).
“Iha jornal balun dehan Tribunal lakohi halo tuir, Ministerio Público lakohi halo tuir, la’os. Sedu liu ita koalia hanesan ne’e, tamba sira iha mekanizmu internal, sira nia konselhu sei reuni depois maka sira halo, maibe iha Ministeriu Justisa, ha’u toma inisiativa bazeia ba rezolusaun ne’e suspende hotu ona,”dehan Babo.
Viola Konstituisaun Ne’e Komentariu
Nune’e MJ, Dionisio Babo, konsidera hanoin públiku kona ba rezolusaun ne’ebé PN hasai foin dadauk dehan kontra konstituisaun, ne’e hanesan komentariu deit tamba PN hanesan oragun lejislador maka hasai rezolusaun ne’e.
Tuir Ministru Babo katak, rezolusaun ne’e hasai tamba tuir Parlamentu nia haree katak presiza duni hasai rezolusaun ba interese nasional.
“Iha rai ida ne’e konstituisaun maka a’as liu, segundu Parlamentu Nasional ne’ebé hasai lei, fo rezolusaun ne’ebé tenki bajeia ba buat sira ne’e, agora interpreta dehan ne’e kontra konstituisaun ne’e ha’u la hatene, ne’e imi jornalista sira maka rona ema komentariu deit ne’e, ema komentar hanesan ne’e ita lalikan tanggapi (Preokupa),”Ministru Babo, afirma.
Rezolusaun atu hapara asesor no juis sira iha seitor Justisa ne’e la’os atu interven servisu Justisa nian, maibe atu hapara kontratu asesor no juis Internasional sira nian, no fo poder mós ba Governu atu halo auditoria ba seitor justisa.
Tamba ne’e Governu sei halo tuir desizaun Parlamentu nian hodi halo auditoria ba seitor justisa bazeia ba motivu interese nasional.
Antes ne’e juis Administrador Tribunal Distritu Dili (TDD), Duarte Tilman, klarifika katak, rezolusaun ne’ebé maka Parlamentu Nasional hasai hodi hapara kontratu autor judisiariu Internasional sira ne’e viola konstituisaun. Tamba tuir Juis ne’e katak, Tribunal mós hanesan orgaun soberania ida tamba ne’e presiza halo fiskalizasaun para haree rezolusaun ne’e viola Konstituisaun ka lae.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template