Headlines News :
Home » , , , , , , , , , , , , » Kazu Hasoru Conocophilips TL Lakon $ 35 Milloens no Sei Selu Indeminizasaun

Kazu Hasoru Conocophilips TL Lakon $ 35 Milloens no Sei Selu Indeminizasaun

Written By Timor News Online on 10/28/2014 | 9:24 PM



Kazu selu taxa, Timor-Leste (TL) hasoru kompañia Conocophilips ne’ebé TL lori ba Tribunal Internasional Singapura, TL lakon iha kazu 16 tamba ne’e sei lakon mós osan hamutuk US$ 35 milloens no sei selu mós indiminizasaun ba kompañia Conocophilips.
Kompañia Conocophilips sei husu indeminizasaun ba Timor-Leste hodi hadiak naran tamba Timor-Leste maka lori ona Kompañia ne’e ba Tribunal arbitrajen Singapura.
“Impaktu bo’ot, tamba ita nia osan 35 milloens de dolar ba tiha hotu ne’e, depois ita atu multa tan, ema atu husu tan indemizasaun, indemizasaun ne’e kona ba sira nia nama baik (naran diak-red) tamba ita lori kazu ne’e ba Tribunal,”informa deputadu, Eladio Faculto husi bankada FRETILIN ba jornalista iha Parlamentu Nasional (PN), Tersa (28/10).
Relasiona ho kazu ne’e maka Estadu Timor-Leste hasai ona rezolusaun hodi hapara kontratu advogadu no juis estranjeiru sira ne’ebé oportunista hodi la defende kazu TL nian ne’e iha Tribunal Singapura, tamba husi kazu ne’e Timor-Leste iha dokumentus ne’ebe provas katak sei manan maibe lakon fali iha Tribunal.
“Ita atu halo avaliasaun para haree katak ita nian loos ka, ita nian sala ka atu bele haree situasaun ne’e loloos. Mas kazu ida ne’e kazu seriu ida, tamba ne’e maka ema hotu-hotu halo espektakulusaun hodi hatene buat sira ne’e tamba ne’e maka ita iha provas barak atu hatudu katak ita manan maibe no fim ita hanesan ne’e (lakon),”esplika deputado, Eladio Faculto ho tristi bo’ot.
Iha rezolusaun PN nian ne’ebé foin dadauk hasai ne’e mós fo poder ba Governu hodi halo auditoria ba parte justisa nian.
“Rezolusaun sai ona ne’e kompetensia Governu nian para atu haree saida maka presiza, ita iha uluk mós ita nia reprezentante Governu ba servisu iha ne’eba ne’e iha,”dehan deputadu ne’e.
Durante ne’e juis sira ne’ebé maka trata kazu Timor-Leste kontra Conocophilips, Deputadu ne’e afirma juis sira trata asuntu ne’e la rona informasaun no la haree ba dokumentus sira ne’e hotu tamba ne’e Timor-Leste lakon iha Tribunal arbitrajen Singapura.
“Defende informasaun katak kazu ne’e nia dokumentus sira ne’e la haree ba informasaun, la haree ba sasan sira, halo buat ne’e hanesan estraga deit to’o ita lakon tiha deit, la fo atensaun propriu, hakerek buat sira ne’e laharee ba faktus, la bazeia ba realidade entaun sasan sira ne’e implika ba kazu ne’e,”deputadu ne’e esplika.
Deputadu ne’e mós rekoñese, durante ne’e juis no advogadu estranjeiru sira mai kaer prosesu iha Timor-Leste tamba sira iha koñeseimentu kona ba lian, liu-liu lian Portugues nian. Tamba ne’e wainhira advogadu no juis estranjeiru sira mai halo influensia iha kategoria a’as deit tamba ne’e tenki halo avaliasaun.
“Ita como fraku iha lingua sira komesa influensia tama iha ne’e ona entaun Juis sira ne’e, sira mós buka osan, kazu sira ne’e sira buka osan, o fo osan mai ha’u defende o, ha’u iha kualidade diak ha’u defende o manan,”nia afirma.
Rezolusaun ne’ebé maka fo poder ba Governu hodi halo auditoria ba seitor justisa hodi haree kona ba kazu Timor-Leste kontra Conocophilips ne’ebé Timor-Leste lakon iha kazu 16 iha Tribunal Internasional Arbitrajen Singapura.
Kazu Timor-Leste kontra Conocophilips no Woodside ne’e hamutuk 51, husi kazu ne’e Timor-Leste lakon ona iha kazu 16, sei hela kazu 35.
Antes ne’e Parlamentu Nasional (PN) hala’o enkontru segredu ho Primeiru Ministru (PM), Kay Rala Xanana Gusmão, hodi hasai rezolusaun rua (2) ida maka fo poder ba Governu hodi halo tratamentu fronteira maritima tasi Timor nian no Timorizasaun ka hapara advogadu no juis Internasional sira nia servisu hodi foti desizaun iha setor justisa.dgx
Source: Dairiu JN
Share on :

3 comments:

  1. Tamba sa mk tnke contrata advogado hs rai liur se ita rasik iha advogado capacitado brk? Se juiz la le caso ne ddiak e observa prova documental sr ne ddiak então ita iha direito atu koko recurso seluk hodi husu juiz atu corrige fali nia sentença k decisão nebe mk nia le sai ona. lalika hakiduk Timor Leste. Lalika tauk e lalika huysik "stranger" sr atu manda ita no manipula ita tun sae..............

    ReplyDelete
  2. This comment has been removed by the author.

    ReplyDelete
  3. FAVOR IDA HUSU BA MEDIA ATU LABELE TAKA MOS KAZU 34 SELUK BA PUBLIKU ATU BELE AKOMPANHA TANBA POVU PRESIZA HATENE NO FIHIR HIRAK NE'E HOTU NO LABELE HALUHA RIKUN ITA RIKUN NO SOIN ITA NIAN ITA RASIK MAK TENKE UZA NO LALIKA UZA EMA SELUK SAI PONTE HODI HAMATE EMA TOMAK NIA FUTURU

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template