Headlines News :
Home » , , , , , , , , , , » Kazu TV Edukasaun, Logistika La Simu Dokumentu

Kazu TV Edukasaun, Logistika La Simu Dokumentu

Written By Timor News Online on 10/26/2014 | 9:51 PM



Jaime Barbosa Pinto hanesan testamunha iha kontinuasaun julgamentu kazu João Cancio hatete, nia hanesan chefi logistica iha Ministeriu Edukasaun (ME) nunka simu dokumentos ruma kona ba ekipamentus TV edukasaun ne’ebe hatama mai ministeriu.
Liu husi audensia julgamentu iha Tribunal Distrital Dili (TDD), Sesta (24/10) Jaime hatete, bain-bain sasan sira ne’ebe tama mai iha ministeriu tenki liu husi parte logistica, I sira mos tenki simu documentos ruma hanesan deliver order ka tenki halo registu, maibe ida ne’e parte logistica nunka simu documentos ruma, no la involve iha laran, pior liu mak sira atu ba halo rejistu ba sasan sira ne’e mos chefi protokolo, Agosto ho asesor Thomas la fo fatin ho razaun katak ema tekniku sira halo hela servisu.
‘’hau ba Tarsisio hanesan ami nia diretur, nia mos la simu documentos ruma, nune’e nia orienta hau atu ba halo registu ba sasan sira ne’e, hau haruka hau nia chefi seksaun Mariano atu ba halo registu maibe Agosto ho Thomas la fo fatin, la haruka ami atu tama ba haree hodi halo registu ho razaun katak ema tekniku sira halo hela servisu,’’ dehan Jaime ba tribunal
Jaime mos informa ba tribunal katak, ekipamentus ne’e mai ona mak nia foin rona, tuir nia hatene sasan sira ne’e tama mai iha ministeriu iha loron Sabado, segunda nia tama servisu fali mak foin haree kontetor para hela iha ministeriu nia oin, I tuir nia hatene mos sasan sira ne’e Agosto mak ba foti iha porto Dili.
Iha fatin hanesan testamunha Mariano Belo hanesan chefi seksaun logistic ME hatete, momentu ekipamentus TV edukasaun lori mai ministeriu ne’e nia la iha fatin, tanba nia ba tiha foho, maibe hafoin nia fila, nia simu ordem husi nia chefi logistic katak sira nia diretur Tarsisio orienta sira atu halo registu ba akipamentus sira ne’e. Nune’e momentu ne’e nia mesak ba duni atu haree no halo registu maibe Agosto ho Thomas la fo fatin.
‘’ ami husi logistic nunka hatene kona ba ekipamentus sira ne’e I nunka simu documentos ruma kona ba ekipamentus TV edukasaun ne’e,’’ dehan Mariano ba tribunal
Iha fatin hanesan mos testamunha Sergio Jose Cristovão hatete, momentu ne’e nia servisu iha gabineti ME João Cancio nian, nia funsaun atu simu CPV tau karimbo intrega ba ministru atu asina.
‘’momentu ne’e hau simu duni CPV 3 ba projetu TV edukasaun ne’e atu halo pagamentu, fase primeiru pagamentu ho montante US$ 738,560, pagamentu segundu ho total US$ 366,560 ministru mak halo duni pagamentu ne’e. Maibe terseiru pagamentu ne’e ministru ba tiha halo viagen iha liur, nia fo orientasaun mai hau katak terseiru pagamentu ne’e labele selu lai, hein ekipamentus monta hotu mak selu, maibe CPV terseiru ne’e la liu husi hau ona, liu husi gabineti vice ME Paulo Asis, tanba ne’e CPV terseiru ne’e selu ka lae hau lahetene ona,’’ afirma Sergio
Kona ba prepara kontratu ho kompania ne’e testamunha la hatene i ekipamentu TV edukasaun tama mai ministeriu mos nia lahetene tanba la involve, nia hatene deit mak kona ba CPV.
Iha primeira audensia julgamentu, Tersa (30/09/2014), juis presidente Jose Maria le sai akuzasaun husi MP katak, iha loron 10 fulan Novembru 2009, Primeiru Ministru husu atu loke konkursu ba TV Educasaun iha Ministeriu Educasaun nian. Nune’e, arguidu João Câncio hanesan Ministru Edukasaun propoin kompanhia Larekia Lda, hodi ba halo verifikasaun ba kompania iha Australia hodi kaer projetu TV Educasaun ho montante millaun 2 USD. Maibe, la to’o remata kompanhia ne’e husik tiha deit nia responsabilidade no halai lakon.
Ba kazu ne’e, MP notifika arguidu João Cancio ho Tarcisio do Carmo ho krime partisi pa saun ekonomio de negosio ho pena kastigu kadeia as liu mak tinan lima (5).
Audensia julgamentu ne’e presidi husi juis koletivu Jose Maria, Julio Gantes ho Francisca Martins, MP reprezenta prokuradora Gloria Alves ho Jacinto Babo. Arguidu João Cancio hetan defeza husi advogadu privadu Jose Guterres, arguidu Tarcisio hetan defeza husi advogadu privadu Manuel Tilman. Audensia julgamentu ne’e adia fali ba (4/11/2014), hodi kontinua rona arguidu nain 2. Lia
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template