Headlines News :
Home » , , , , , , , , » Koalia Interese Nasional Labele Diskuti Malu

Koalia Interese Nasional Labele Diskuti Malu

Written By Timor News Online on 10/28/2014 | 8:33 PM



Deputadu Inacio Moreira husi bankada FRETILIN hatete, maske konstituisaun (RDTL) ne’e difisil tebes halo esplikasaun klaru, maibé ba se deit maka koalia ona konaba interese nasional, ne’e labele diskuti malu.
“Konstituisaun difisil teb-tebes atu halo esplikasaun klaru kona-ba ida ne’e, maibé hanesan ohin ha’u koalia katak bainhira se-se deit maka koalia kona-ba interese nasional, ne’e Estadu, tanba ne’e maka ba ha’u koalia konaba interese nasional ne’e buat ida ke labele diskuti,”dehan Inacio Moreira ba JN-Diário iha Parlamentu Nasional Tersa (28/10)
Inacio Moreira hatutan, ba interese nasional ne’e, tenki fo hanoin ba malu, kuidadu hafoin foti desizaun.
Nia dehan, sidadaun hot-hotu iha nia direitu atu bele argumenta no bele fó ninia opiniaun oi-oin, maibé kona-ba interese nasional, interese nasional duni.
Rezulusaun ne’e ida maka atu forma konsellu determinasaun marítima kona-ba tasi Timor no ida maka Auditoria ba Tribunál no KAK.
“Ha’u hanoin rezolusaun ne’e kona-ba intrese nasional, hanesan hau hatete ona, intrerese nasional tidak bisa ditawar dan harga mati, i intrese nasional labele diskuti. Kestaun polítika para hetan poder ne’e buat seluk mas interese nasional ne’e ita tenki fó hanoin ba malu, kuidadu hafoin bele halo desizaun,”dehan nia.
Tuir deputadu ne’e katak ba rezolusaun ne’ebé maka hasai ona ne’e liga ba kestaun tuir lei ka latuir lei ne’e depois maka diskuti klean ho instituisoens para haree, maibé hanesan reprezentante povu, Inacio Morreira dehan interese Estadu nian ne’e maka presiza halo duni rezolusaun hodi regula.
Rezolusaun seluk konaba Konselhu de detreminasaun fronteira maritima nian ne’ebé maka liu husi rezolusaun ne’ebé PN hasai ne’e fo poder ba Governu hodi harii Konsellu ne’e para haree ona konaba fronteira maritima nian.
Iha fatin hanesan, Xefe bankada CNRT Natalino dos Santos afirma katak Timor ukun-an tiha ona durante tinan 12, maibé orgaun soberania ida dependensia fali ba órgaun seluk, tanba Juiz Internasionál sira mak foti desizaun iha Tribunál.
“Iha Parlamentu ne’e Timor maka foti desizoens tamba Timor-oan maka foti desizoens agora iha Tribunais ne’e sei iha ema internasionais maka kaer fali prosesu iha tribunais ne’e dehan órgaun ka nasaun soberania maka ida ne’ebé? Tanba ne’e maka rezolusaun ne’e foti katak ba desizoens saida deit kona-ba Timor tenki ema Timor,”dehan nia.
Rezolusaun ne’e hasai ho votus unaminidade husi deputadu sira iha PN hodi fó poder ba Estadu liu-liu Governu atu bele trata ona Tasi Timor no Timorizasaun ba Timoroan iha órgaun Estadu sira.
Sidadaun estranjeiru bele fó apoiu iha seitór judisiáriu maibé hanesan advaisor deit.tap
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template