Headlines News :
Home » , , , , , » Konstrusaun Merkadu Taibesi Atinji 75%

Konstrusaun Merkadu Taibesi Atinji 75%

Written By Timor News Online on 10/27/2014 | 8:04 PM



Konstrusaun merkadu Taibesi ba segundu faze to’o ona pursentu 75, nune’e antes dezembru negosiante sira bele utiliza ona.
Oras ne’e, trabalhador sira komesa didin, taka uma nia kakuuk, monta saniamentu inklui ekipamentus sira ne’ebe persiza.
Lia hirak ne’e hato’o husi Prezidente União Nasional Micro Empresas (UNAME), Fernando Vieira Soares ba JN-Diario iha merkadu Taibesi, Segunda (28/11).
Ho progresu refere Fernando hatutan, bele garante katak antes dezembru negosiante sira bele uza ona, hodi faan sira nia sasan.
Desde hahu muda negosiante sira iha fat-fatin ba iha merkadu Taibesi, kuaze 200 rein mak la hetan fatin, nune’e sira faan iha liur deit, ne’ebe afeita tebes ba sira nia saude.
Tantu trabalhador ida husi kompañia ne’ebe lakohi fo nia indentidade katak, oras ne’e dadaun sira esforsu an halo lalais, antes udan monu rai konstrusaun merkadu bele remata. Realidade ema hotu hare katak, negosiante sira terus liu, basa sira tenki habai an iha loron manas, horon rai rahun suar hodi bele hetan osan, sustenta moris.
“Agora dadaun ita boot sira bele hare ho matan ami servisu namanas hela, ami mos esforsu atu konstrusaun ne’e bele hotu tanba ne’e dala ruma komunidade sira estres tanba ami haruka sira muda tun sae ne’e tanba atu halais prosesu ne’e tanba ami mos hanoin sira. Ami hakarak antes udan tau nune’e sira bele hetan ona fatin,” esplika nia.
Negosiante tomate no repolhu, Rosalia da Costa senti insatisfas, basa ho konstrusaun refere halo sira halai ba mai.
“ Ami hare merkadu atu besik diak ona ne’e ami kontenti, tanba bainhira los mak hotu hodi ami sira ne’e bele tur hakmatek iha laran hodi faan netik ami nia sasan tanba udan besik tau ami mos loron-loron terus ho kondisaun hanesan ne’e tur iha rai rahun no loron manas laran, ami mos faan sasan lahakmatek tenki muda ba mai hodi fo fatin ba kompania atu halo fuma ne’ebe dala ruma ami nia modo ne’e lori halai ba mai deit dodok tiha ona ema la mai sosa,” dehan Rosalia.
Tuir observasaun JN-Diario iha terenu kata, iha ona progresu lubuk ida husi konstrusaun refere, basa kakuuk komesa taka hotu ona, didin komesa halo, andar komesa sae onainklui sira seluk.Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template