Headlines News :
Home » , , , , » La iha Kombustivel, PNTL Sei Halo Auto Stop Iha Finadu

La iha Kombustivel, PNTL Sei Halo Auto Stop Iha Finadu

Written By Timor News Online on 10/27/2014 | 8:19 PM



Polisia Nasional Timor Leste (PNTL), liu husi unidade Tranzitu sei halo auto stop iha loron finadu 01 de Novembru, tinan ne’e.
“Planu operasaun ne’e sei hatun husi Komando Operasaun PNTL, tanba loron finadu ema barak maka halo serkulasaun husi Dili ba Distritu, depois Distritu tun mai Dili,” esplika Komandante Tranzitu Nasional, Inspektur Xefi Antonio Soares ba Jornalista iha Kuartel Jeral, Segunda (27/10).
Alende ne’e Polisia mos sei koloka membrus Tranzitu ba iha simeterio hotu atu nune’e bele normaliza serkulasaun kareta ho motor ne’ebe maka liu husi simiterio.
Kona-ba membrus hira maka sei koloka Antonio Saores dehan, ne’e depende Komandante PNTL Distritu sira maka sei hatun ninia membrus sira ne’e.
Prende Taxi 100
Komandante Unidade Polisia Tranzitu, Inspektur Xefi, Antonio Soares hateten,   Polisia Tranzitu prende kareta Taxi 100 tamba kondutor sira la uza farda no iha kareta balun dokumentus mate.
Kareta sira ne’e Polisia prende liu husi auto de stop iha semana kotuk. Husi kareta 100 ne’e iha balun nain foti ona tanba ba selu ona multa iha Dirasaun Nacional Transporte Tretre, depois balun sei para iha Kuartel Geral PNTL Dili, wainhira selu tiha multa foin maka bele foti fali kareta sira ne’e.
Multa ne’ebe maka aplika ba kondutor sira ne’e tuir infrasaun ne’ebe maka komete, maibe kuandu la uza farda sei multa $ 45.00.
“Ita prende kareta 100 ida ne’e iha semana kotuk, tanba kondutor balun la uza farda no kareta nia dokumentus balun mate,” esplika Komandante Tranzitu Inspektur Xefi, Antonio Soares.
Antonio Soares esplika, selu multa ne’e tuir infrasaun ne’ebe maka ne’ebe maka iha, se’e la uza farda sei selu tuir farda nian, depois se’e maka kondutor la iha karta kondusaun sei selu tuir karta kondusaun la iha nian.
“Ami haruka kondutor sira ba selu iha Dirasaun Nacional Transporte Trestres, depois maka sira lori kuitansia mai aprezenta hafoin ami entrerga fali sira ninia kareta,”afirma Antonio Soares.
Nia dehan, Tranzitu mos sei la husik liu motor kanu resin ne’ebe maka movimentu tun sae iha Dili laran, tanba ne’e fo impaktu ema kualia labele rona nomos bele impede ema ninia diskansa iha tempu kalan no loron. nax 
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template