Headlines News :
Home » , , , , , , » Laiha SIM Tama Sela

Laiha SIM Tama Sela

Written By Timor News Online on 10/28/2014 | 8:19 PM

Polisia Nasional Timor Leste (PNTL), liu hus Unidade Tranzitu Distritu Dili, Tersa (28/10), halo operasaun iha Dili laran hodi prende motor nen (6) ne’ebe mak uza kanu resin.
Iha operasaun ne’e prende mos ema nain ida hodi lori kedas ba sela preventiva PNTL nian atu submete ba prosesu justisa tanba lori motor la iha karta kondusaun (SIM/surat ijin mengemudi).
Operasaun ba motor kanu resin ne’e tanba komunidade ho aturidade sira preokupadu tebes movimentu motor sira uza kanu resin ne’ebe bele perturba movimentu publiku no porejudika ema seluk nia deskansa.
Komandante PNTL unidade Tranzitu Distritu Dili, Inspektur Matias da Silva, informa ba JNDiario katak, motorista ida ne’ebe mak polisia prende la iha kartaun kondusaun ne’e sei submete ba prosesu investigasaun iha Polisia Distritu Dili, antes lori ba julga iha Tribunal Distritu Dili.
“Ami nia operasaun sei lao nafatin, tanba prekupasaun Orgaun Soberanu sira nian, atu nune’e bele minimiza motor ho kanu resin,” haktuir Matias da Silva.
Prosesu ba ema ne’ebe maka lori motor ho kanu resin, Tuir Matias da Silva, ida ne’e sei prosesu ba iha Dirasaun Nasional Transporte Trestres, hafoin selu tiha maka motorista sira lori   nota hatudu ba Polisia foin maka entrega fali sira ninia motor. nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template