Headlines News :
Home » , , , , , , , , , , , , » PM Xanana Gusmão Seidauk Autoriza Hasai Imunidade – Julgamentu Emilia Pires Adia

PM Xanana Gusmão Seidauk Autoriza Hasai Imunidade – Julgamentu Emilia Pires Adia

Written By Timor News Online on 10/27/2014 | 8:53 PM



Tribunal Distrital Dili (TDD) hein deit ona to’o bainhira mak Primeiru Ministru (PM) Xanana Gusmão, bele autoriza hasai imunidade Ministra Finansas (MF) Emilia Pires hodi bele tuir julgamentu iha Tribunal Distrital Dili (TDD).
Juis Administrador Tribunal Distrital Dili (TDD), Duarte Tilman, Segunda (26/10), klarifika ba jornalista sira iha TDD katak, oras ne’e dadaun Tribunal hein deit ona desizaun PM Xanana Gusmão, to’o bainhira mak atu suspende funsaun Emilia Pires atual Ministra Finansas hodi nune’e Parlamentu Nasional hasai imunidade ba arguida Emilia Pires.
Loron julgamentu ba Emilia Pires ajenda ona atu halo, horseik, iha TDD, maibe kanseladu ka adi’a tiha tanba Emilia Pires la marka prezensa, inklui PM Xanana seidauk autoriza atu nune bele hasai imunidade Emilia Pires nian.
“Juis prosesu informa mai hau katak, sira tenki adia fali julgamentu ne’e la hatene bainhira tanba levantamentu imunidade seidauk iha,” esplika Duarte Tilman.
Seluk fali, Duarte hatutan, arguida Emilia ho nia mandataria sira halo rekursu ba Tribunal Rekursu (TR) kona ba prosesual seidauk iha rezultadu no tribunal rasik mos seidauk iha actos husi TR.
Tribunal kontinua hein levantamentu imunidade arguida Emilia hodi nune’e arguida Emilia bele mai iha tribunal hodi responsabiliza ou fo resposta no prova ba akuzasaun MP nian.
Juis koletivu ba prosesu ne’e labele halo julgamentu ba kazu partisipasaun ekonomi negosio ne’ebe involve Ministra Emilia Pires ho eis vise Ministra Saude Madalena Hanjam, tanba seidauk hasai imunidade Emilia nian.
Kazu ne’e akontese iha tinan 2011 relasiona ho projetu sosa ekipamentus ba Hospital Nasional Guido Valadres (HNGV) ne’ebe Emilia “konsente” fo projetu ne’e ba nia kaben.
Iha sala audensia juis presidente Julio Gantes hatete, Tribunal labele halo julgamentu maske arguida Madalena Hanjam marka prezensa, tanba arguida Emilia hanesan membru governu seidauk hasai nia imunidade husi PN.
Juis prezidente Julio Gantes mos seidauk hatene atu marka ba sa loron fali, tanba sira sei hein desizaun Governu kona ba levantamentu imunidade arguida Emilia nian.
Iha audiensia ne’e Ministeriu Publiku (MP) reprezenta prokuradora Angelina Saldanha ho Gloria Alves, arguida Madalena hetan defeza husi advogadu privadu Jose Guterres, Nuno Morais ho Rui Costa Fereira, arguida Emilia hetan defeza husi advogadu privadu Jose Pedro Camães ho Angelica Moniz. lia
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template