Headlines News :
Home » , , , , , , , , » PN Viola Independensia Judisiariu

PN Viola Independensia Judisiariu

Written By Timor News Online on 10/30/2014 | 8:54 PM



Parlamentu Nasional halo violasaun hasoru independensia judisiariu no separasaun poder ne’ebe hatur ona iha konstitusaun RDTL, liu husi rezolusaun ne’ebe PN rasik hasai.
Diretur Judicial System Monitoring Programe (JSMP), Luis de Oliveira Sampaio dehan, laiha fatin ba Parlamentu Nasional (PN) no Governu atu hasai ofisial judisial iha tribunal, defensoria publiku, prokurador no komisaun Anti Korupsaun (CAC) liu husi rezolusaun, ida ne’e so bele halo tuir lei. Hasai ofisial judisial arbiru fo ameasa ba Estadu de direitu no direitu sidadaun ba julgamentu justu iha Timor Leste.
“Rezolusaun ne’e viola prinsipiu independensia judisial no separasaun poder ne’ebe hatur iha konstitusaun RDTL,” dehan direktur JSMP, Luis de Oliveira iha konferensia da emprensa iha nia kna’ar fatin, Colmera, Kinta (30/11).
JSMP prekupa tebes impaktu husi rezolusaun ne’e ba independensia judisiariu no abilidade sistema justisa atu funsiona hanesan bai-bain.
Hasai autor no asesor judisiariu sira iha tribunal, ministeriu publiku no defensoria publiku ho derepenti, intrompe tebes funsionamentu regular tribunal nian no dezen volvimentu sistema legal justisa ne’ebe lao iha TL.
Rezolusaun ne’e fo konsekuensia bot ba juis, prokurador, defensor no advogadu sira ne’ebe tuir hela formasaun no mos ba futuru autor judisiariu, tanba laiha Timoroan ida mak preparadu atu sai formador iha sentru formasaun juridisiariu.
Iha sistema legal TL sei iha prosesu dezenvolve an nia laran, ho numeru kazu ne’ebe lor-loron aumenta, nune’e tribunal persiza rekursu barak atu halao servisu sira ne’e hotu ho kualidade, rezolusaun ne’e mai hasai tiha hotu rekursu ne’ebe iha hodi halakon tiha kompozisaun panel, entaun kazu bot sira hanesan krimi grave, droga no korupsaun.
“Ita dependensia hela ba sira, se hasai tiha ita laos lori justisa ne’e ba oin, mais ba fali kotuk,” tenik nia.
Tantu juis administrador tribunal distritu Dili, Duarte Tilman afirma, rezolusaun ne’e viola estatutu majestradu judisial no konstitusaun RDTL, konaba separasaun poder no independensia judisial. nty
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template