Headlines News :
Home » , , , , , , , » Resolusaun Hanesan Duni Membru CPLP

Resolusaun Hanesan Duni Membru CPLP

Written By Timor News Online on 10/29/2014 | 10:02 PM



Prezidente Asosiasaun Advogado Timor Leste, Manuel Tilman   hatete, resolusaun ne’ebé foin hasai husi Parlamentu Nasional (PN) no Governu hodi hapara kontratu ba autor judisiariu internasional sira, hanesan mos Governu ho PN duni membru CPLP sira husi Timor Leste.
Manuel Tilman hatutan, Governu Timor Leste dadauk ne’e kaer hela Prezidensia CPLP, resolusaun ne’e duni fali ema tekniku sira ne’ebé mai husi CPLP, hanesan Portugal, Cabo Verde, no Brazil.
“Hau admiradu, Timor maka prezidente hela ba CPLP, ho resolusaun ne’e duni se, ita duni ema sira CPLP ne’ebé ita maka kaer hela buat ne’e, entaun ita nia oin ne’e atu ba tau iha ne’ebé,”hatete Manuel Tilman ba JN-Diáro Kuarta (29/10) iha Hotel Beach Garden Pantai Kelapa Dili.
Nia haktuir, Timor Leste tenki koerente, tanba Timor Leste dadauk ne’e hetan konfiansa kaer hela Prezidensia CPLP, maibe hakarak ba duni fali membru CPLP sira ne’e nia ema, ne’ebé maka mai Timor Leste ho akordu internasional.
Manuel Tilman esplika, kuandu atu hasai ema ida, tenki foti prosesu kontra ema ne’e, kuandu nia sala duni ona, maka duni nia. Tanba ema sira ne’e, mai ho kontratu trabalhu internasional, maibe resolusaun Parlamentu nian ne’e, kaer kontratu sira ne’e sunu hotu, nem prosesu ida.
Tilman hatutan, kuandu juis ida ne’ebé maka sala, tau prosesu ida kontra nia, laos jeneraliza hanesan ne’e, hodi duni fali membru CPLP sira ne’e, lalos ona. Juis internasional sira mai ne’e, tanba lei organika permite kontratu.
“Oinsa maka bele resolusaun ida bele halo buat sira ne’e hotu mamuk tiha kedas ne’e,”lamenta Manuel Tilman.
Juis internasional sira ne’ebé mai husi Portugal, Cabo Verde no Brazil ne’e, hetan kontratu trabalhu internasional atu mai tulun justisa Timor Leste.
Kuandu buat ne’e akontese duni, entaun saida maka nasaun membru CPLP sira dehan mai Timor Leste. Konfiansa nasaun membru CPLP sira sei lakon, esklarese Manuel Tilman.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template