Headlines News :
Home » , , , » SEPI Sei Selebra Loron Nasional Feto Iha Manatuto

SEPI Sei Selebra Loron Nasional Feto Iha Manatuto

Written By Timor News Online on 10/28/2014 | 8:15 PM

Sekretaria Estadu Promosaun Igualidade (SEPI), sei selebra loron nasional feto 3 Novembru, ba dala 37 iha administrasaun munisipaiu Manatuto.
Direktora Jeral SEPI, Maria Jose Sanches informa, selebrasaun loron feto nasional ne’e sei halao durante loron rua, hahu loron 6 to’o 7. Tema ne’ebe atu foti iha loron nasional feto mak ‘Sira Nia Luta Mak Ita Nia Liberdade, Ita Nia Liberdade Mak Ita Nia Responsabilidade Hodi Promove Igualdade Jeneru.
Objektivu husi tema ne’e mak atu fo onra ba heroina sira iha teritoriu tomak, liu-liu Sekertaria Jeral OPMT FRETELIN nian Saudoza Rosa Muki Bonaparte ne’ebe nudar Manatuto oan.
“Heroina sira mak fo ona sira nia inspirasaun ba jerasaun foun liu-liu ba feto sira hodi kontinua luta ba ilgualdade entre feto no mane nomos ba liberta poo husi kiak , moras no obskurantismo,” deklara SEPI, Idelta iha nota de imprensa ne’ebe JN-Diario asesu iha konferensia da empresa iha diretora jeral SEPI nia kna’ar iha Obrogado Barak, Caicoli, Tersa (28/10).
Aktividade barak ne’ebe SEPI sei halo iha ne’eba hanesan kari aifunan iha jardin herois da Patria, Metinaro, misa de agradesemento, diskursu husi SEPI, Idelta Maria, Diskursu Primero Ministro Kay Rala Xanana Gusmao, Diskursu husi Prezidente da Republika, Taur Matan Ruak no aktividades ira seluk mak hanesan premiu apresiasaun jeneru, kanta feto bele, lansamentu livro ne’ebe SEPI Publika inklui avaliasaun jeneru ba daruak no seluk tan ne’ebe planu sei halao iha Kampu administrasaun Distritu Manatuto.
Selebrasaun loron Nasional ne’e bajeia ba istoria rejistensia nian bainhira heroina Maria Tapo mate iha dia 3 de Novembro 1975 bainhira kontra invasor militar Indonesia iha area fronteira Distritu Bobonaro Maliana ne’ebe sasin sira haruka kedas karta ba Comite Central FRETILIN hodi deklara katak” Ami Feto Tapo sei la rende, ami sei la rende nafatin, ami sei funu nafatin, ami sei funu to’o ami nia ran turuk ikus liu nian,” neebe hafoin simu tiha karta husi sasin sira ne’e Primero Ministro Republika Demokratika TL dahuluk, Nicolao Lobato halo inisiativa iha ailaran iha tinan 1976 hodi disidi loron 3 fulan Novembro sai nudar loron Nasional ba feto. Ho nune’e iha tinan 1977 husi enkontro Comite Central FRETILIN dekreta rezolusaun ida ba loron 3 fulan Novembro sai nudar lorn Nasional ba feto TL ne’ebe hahu husi ne’e kada tinan maske iha ailaran maibe loron refere sempre komemora.
Alende ne’e loron 3 fulan Novembro nee mos sai loron importante ba TL tanba depois de Restaurasaun Indendensia iha Tinan 2002, Iha kongresu Nasional feto ba daruak iha tinan 2004 ne’ebe hetan partisipasaun husi husi organijasaun feto hotu-hotu iha TL, maluk feto sira ejiji katak TL tenki iha loron Nasional ba feto atu nune’e fo valor no louvor ba feto tanba sira mos fo kontribusaun makaas ba luta ba libertasaun Nasional iha Tinan 1975-1999. Ne’ebe ejijensia ne’e sai hanesan plata forma kongresu Nasional feto ba daruak ne’ebe hatoo ba Parlamentu Nasional hodi foti desijaun ne’ebe ikus mai PN disidi katak dekretu lei numeru 17/1/3/2005 disidi katak loron 3 fulan Novembro nudar loron Nasional ba feto TL.
Selebrasaun ne’e sei hetan partisipasaun husi Primero Ministro (PM), Kay Rala Xanana Gusmão Prezidente da Republika(PR), Taur Matan Ruak, Membro Parlamentu Balun, Membro Governo , Autoridades lokal Grupo Jeneru husi Distritu 13 inklui komunidade sira.
Montante orsamnetu ba selebrasaun loron Nasional ba feto TL ne’e hamutuk $127 milhoes, ne’ebe tuir komisaun organijadora Odilia Uang Martins katak preparasaun ba eventu ne’e atinji 75%.*/Ina/mj1
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template