Headlines News :
Home » , , , , , , , , , , » Tamba Interese Estadu Hapara Kontratu Autor Judisiariu Internasional

Tamba Interese Estadu Hapara Kontratu Autor Judisiariu Internasional

Written By Timor News Online on 10/27/2014 | 8:53 PM



Rezolusaun ne’ebe mak Parlamentu Nasional hasai hodi hapara autor judisiario internasional sira nian kontratu servisu iha Timor Leste tanba interese Estadu.
Ministru Justisa (MJ) Dionisio Babo esplika, Parlamentu Nasional hasai rezolusaun atu hapara kontratu hotu ho autor judisiario internasional iha Timor ne’e tanba interese Estadu no nasionalismu Timor nian.
Ministro Justisa, Dionisio Babo Segunda (27/10) iha Dili esplika katak rezolusaun ne’ebe mak Parlamentu Nasional hasai sei la fo impaktu ba servisu justisa tomak, tamba ne’e parte Justisa sei halo nafatin servisu hanesan normal.
‘’Desizaun ne’ebe mak iha laos intervensaun ba iha Servisu Judisiariu nian tamba lamete buat ida kona juis sira nia desizaun no servisu ne’ebe juis sira halo, desizaun ne’ebe mak iha hapara deit Juis, Prokurador, Defensor Publiku no asesor Internasionais tamba interese Estadu. Ita hatene Setor Justisa Setor Soberano, Estadu iha kontrolu hodi salva guarda interse nasional, ita hanesan nasaun, ita tenki hatene asegura soberania, unidade no seguransa nasional,” esplika Ministru Justisa Dionisio Babo.
Husi sorin seluk, Juis Administrador Tribunal Distrital Dili (TDD) Duarte Tilman deklara katak, tuir regras prosesual juis sira nian kompotensia atu hapara servisu autor juis internasional ne’e Konselhu Superior Magistratura Judisial (KSMJ) ne’ebe nia reprezentante mai husi Prezidente Republika, Parlamentu Nasional, Governu no juis sira.
“Desizaun politika desidi iha Parlamentu Nasional, regra ne’ebe mak iha hein lai atu nune’e bele haree tuir duni lei ou lae mak foin bele pronunsia, juis Internasional ho ami halo hela ami nia funsaun, hau hatene juis internasional iha TDD halo hela sira nia funsaun hanesan bai-bain tamba seidauk iha desizaun definisaun ruma,” dehan Duarte Tilman.
Duarte esplika, Juis Internasional ne’ebe mak halao knar iha TDD hamutuk nain rua ne’ebe nain ida espesialidade ba iha krime no ida seluk ba iha sivil. Sira ejerse sira nia funsaun tamba lei ho koperasaun internasional entre Timor ho sira nia nasaun.
Rezolusaun Parlamentu Nasional Numeru 11/2014 de 24 de Outubru, atu halo auditoria ba setor Justisa ninian bazea ba fiskalizasaun no kontrolu Parlamentu ba orgaun publiku sira hodi nune’e hapara hotu ona kontrata ho Juis, prokurador, defensor publiku no asesor Internasional iha Institusaun Justisa iha Timor Leste.
Relasiona ho Rezolusaun ne’e bainhira jornalista sira tenta konfirma ho Prokurador Jeral da Republika (PJR) Jose Ximenes ho presidente Tribunal Rekursu (TR) Guilhermino da Silva, maibe sira lakohi fo komentariu. lia
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template