Headlines News :
Home » , , , , , , , » Telkomcel Inaugura Edifísiu ‘Data Center’

Telkomcel Inaugura Edifísiu ‘Data Center’

Written By Timor News Online on 10/30/2014 | 8:42 PM



Kompañia Telekomunikasaun Internasional Indonesia (TELIN) ou Telekomcel, Kinta feira (30/10), inaugura edifísiu Telekomcel Data Center ou sentru ba dadus atu ajuda atende data center no Cloud Computing ba dahuluk iha Timor Leste (TL).
Edifísiu espesífiku sentru dadus ne’e nu’udar kontinuasaun dezenvolvimentu husi sentru ba dadus dahuluk liu ne’ebé uza deit ba internal Telekomcel.
Seremonia inaugurasaun ne’ebé sinaliza ho koa fita ne’e, lidera directamente husi Director Telekomcel Dedi Suherman akompaiña husi Ministru Saude Sérgio Lobo, Ministru Estatal Jorge da Conceição Teme, deputadu Pedro da Costa Mártires, kandidatus klientes ho mós konvidadus iha edifísiu Telekomcel Hudi Laran Dili. Nune’e mós kontinua ho bensaun ba edifísiu ne’ebé mak prezide husi Padre Gabriel.
Depois inaugura instalasaun foun ba sentru dadus ne’e, Director Telekomcel, Dedi Suherman ba jornalista sira esplika katak, ho edifisiu foun sentru ba dadus Telekomcel nian ne’e, espera katak bele responde ba nesesidades klientes liu-liu ba emprezas ne’ebé mak hetan apoiu koneksaun liña husi Telekomcel.
Dedy Suherman hatutan katak, ho lansamentu sentru de dadus ne’e Telekomcel hakarak kliente sira ne’ebé mak seidauk iha email lokal bele halo ona email lokal, sira ne’ebé mak seidauk iha situs lokal bele hamosu ona situs lokál no sira ne’ebé mak seidauk iha fatin atu rai server entaun sira bele rai sira dokumentu iha sentru de dadus Telekomcel.
Dedi Suherman esplika katak, Telekomcel hamosu konseitu no konstroe sentru ba dadus ne’e ho konseitu smarter data center.
Ho ida ne’e dehan Dedy Suherman haklaken katak, ho sentru dadus ne’ebé estabelese iha lokál ou TL, maka otomatikamente ninia presu ne’e mós baratu no seguru ba klientes ninia dadus.
Dedy Suherman haklean katak, komitmentu Telekomcel iha TL ne’e hakarak atu fornese servisu telekomunikasaun a nivel internasionál mai iha TL.
“Lori nasaun Timor Leste ne’e hanesan mós nasaun sira seluk iha mundu husi aspektu forñese telekomunikasaun. No ida ne’e ami hatudu ona ba públiku katak ami bele, ami servisu ho profissionál. Prova katak google komesa ona fó dfiar ba ami atu servisu hamutuk ho ami”, hateten Dedy Suherman.
Ho ida ne’e, katak Dedy Suherman, alénde emprezas nasionais iha mós emprezas internasionais mós oras ne’e dadaun intersante tebes atu hamutuk ho Telekomcel.
“Hanesan CDR, Garuda mós monta ona sira nian server iha Telekomcel. Tanba sira hatene ona katak Telekomcel ne’e la’os empraza lokál maibé empreza internasionál”, katak nia.
Dedy Suherman fundamenta katak, fornesimentu rede Telekomcel kobre hotu ona distritu 13 no nu’udar úniku Kompañia telekomunikasaun ne’ebé mak iha operasaun 3G.
“Iha fatin balun deit mak ita seidauk kobre maibé ita hein katak iha tinan ida ne’e ita bele kobre hotu ona. Ne’ebé la’os dehan katak atu to’o deit iha ne’e lae”, nia esplika.
Maske foin tinan tolu liu eziste iha TL maibé, Dedy Suherman komenta katak, emprezas liu ona 200 mak aplika ona sai kliente ba Telekomcel.
“Kuaze embaixada hotu-hotu, hanesan Indonesia, Amerika, Cuba, Malaysia, Filipina no mós sira seluk sai ona amia nia costumer. Nune’e mós emprezas internasionais hanesan Banco Mundial, Word Vision no mós instituisaun Governu mós sai ona ami nia costumer”, katak Dedy Suherman.
Iha seremonia lansamentu ne’e, BNCTL, Ministériu Saude, Novo Turismo ho mós Banco Mandiri asina ona akordu atu sai kliente ba Telekomcel.
Entretantu Reprezentante Parlamentu, deputadu Pedro da Costa Mártires hato’o agradese wa’in ba Telekomcel ninia esforsu no servisu ne’ebé mak durante ne’e hala’o hodi ajuda forñese sentru dadus ba komunidade tomak.
“Sentru de dadus ne’e importante ba nasaun Timor Leste. Primeiru sentru de dadus ne’ebé mak ba públiku, mesmu ne’e iha anteriormente iha Ministériu Finansas maibé ida ne’e internalmente. Maibé ohin ho lansamentu sentru dadus ne’e bele servi ona no ninia servisu ba komunidade tomak iha Timor laran”, hateten Pedro da Costa.
Nune’e mó deputadu Pedro da Costa mós fó agradese no parabens ba Telekomcel tanba ho prezensa Telekomcel nian bele lori povu TL ba hanesan ho komunidade sira seluk ne’ebé mak avansadu ona iha dezenvolvimentu telekomunikasaun nian.
Kompañia Telekomcel ne’e eziste iha TL desde tinan 2012.ixo
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template