Headlines News :
Home » , , , , , , , » TR Anula Kastigu Tinan 9 Calisto Gonzaga

TR Anula Kastigu Tinan 9 Calisto Gonzaga

Written By Timor News Online on 10/29/2014 | 10:16 PM



Tribunal Rekursu (TR), Tersa (28/10), anula (membatalkan) disizaun Tribunal Distritu Dili (TDD) ne’ebe maka hamonu kastigu tinan 9 ba eis Komandante Servisu Investigasaun Kriminal (SIK) Superentendente Calisto Gonzaga.
Tribunal Rekursu anula disizaun TDD ne’e, tanba testamunha   ne’ebe mak fo sasin ba kazu Calisto Gonzaga la marka prezensa durante julgamentu.
“Disizaun TR ba Calisto anula disizaun ou anula leitura akordaun rekoridu, signifika katak, anula disizaun TDD katak, kastigu ne’ebe maka TDD fo tinan 9 ba Calisto ne’e la vale,” esplika Defensor Publiko Sergio Paulo Dias Quintas ba Jornalista iha edifisiu Defensoria Publiku, Balide, Dili, Kuarta (29/10).
TR disidi atu Tribunal Rekoridu, halo repetisaun julgamentu hodi halo apuramentu ba faktu ne’ebe maka konstan iha Konstestasaun, diezignadamente atu halo inskrisaun ba testamunha sira ne’ebe parte defesa arola.
TR halo anulasaun ba disizaun ne’e tanba disizaun Tribunal rekoridu ne’e la kumpri artigu 281 numeru B kodiku prosesu penal ho mos artigu 286 alinia A kodiku prosesu penal.
Artigu balun ne’ebe mak Tribunal rekoridu ou juis Aqua viola 114, 246,252 , artigu 299 numeru 2 alinia D, ne’e kualia kona-ba prinsipiu kontraditoriu.
Sergio Paulo Dias Quintas informa katak, Uluk parte defesa ijiji bebeik para atu fo balansu, maibe Juis titular prosesu iha momentu ne’eba ho nia arogante ignora tiha hodi la fo oportunidade ba defesa, ida ne’e maka TR anula disizaun ne’e.
Sergio Paulo Dias Quintas afirma, julgamentu tuir fali sei rona testamunha husi Komandante Geral Polisia Nasional Timor Leste (PNTL) Komisario Longuinhos Monteiro no Xefi Governu Kay Rala Xanana Gusmão.
“Fo -foun ne’e atu rona testamunha ne’ebe maka parte defesa arola, ida maka Komandnante Geral PNTL no ida tuir fali Primeiru Ministru (PM),” hateten Sergio Paulo Dias Quintas.
“Atu hateten, Calisto ne’e halao ordem ka lae, se’e karik halao ordem iha momentu ne’eba nia halao ordem ne’e disizaun Governu nian maka hau fiar katak, julgamentu tuir mai, Calisto bele absolve,” nia hateten .
Sergio Paulo Dias Quintas   realsa, se’e wainhira mak rona testamunha sira iha julgamentu mak nia garante Calisto nia kazu ne’e sei absolve. Maibe balansu, entre Ministeriu Publiku no parte defesa fo liu oportunidade ba Miministeriu Publiku, ne’e maka fo todan Calisto.
Liu-liu bazeia ba artigu 50 kodiku penal, ne’e dehan katak, funsionariu ne’ebe mak atua ordem ou simu instrusaun husi nia superior sira katak, nia hahalok ne’e la sala maka nia sei inosente. rekoridu
Rekursu ne’ebe maka Komandante Calisto Gonzaga hasae ba iha TR komesa dia 21 de Setembro 2014.nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template