Headlines News :
Home » , , , , , » TR Husu TDD Mantein Juis Internasional

TR Husu TDD Mantein Juis Internasional

Written By Timor News Online on 10/30/2014 | 9:03 PM



Tribunal Rekursu (TR) iha loron 29 Outubro, oras tuku 15.20 haruka karta ba Tribunal Distrital Dili (TDD) hodi husu mantein juis internasional nebe servisu iha TDD.
Kontiudu husi karta ne’e, husu ba juis internasional sira atu kontinua halao servisu hanesan bai-bain to’o kontratu remata hodi hein desizaun husi Conselho Superior Magistradu.
Tuir observasaun JN-Diario katak, aktividade iha tribunal lao normal, mesmu PN hasai ona rezolusaun hodi hapara kontratu juis internasional.
Antes ne’e Ministru Justisa (MJ), Dionisio Soares Babo dehan, institusaun hotu tenki kumpri desizaun politika ne’ebe hasai husi Parlamentu Nasional, tanba konsidera nudar desizaun ne’ebe aas iha nasaun ida ne’e.
Desizaun Tribunal Bo’ot Liu desizaun Governu-PN
Konaba polimika rezolusaun Parlamentu Nasional nian nebe husu atu hapara kontratu autor judisiario internasional nee, ONG Judicial System Monitoring Program (JSMP), Luis de Oliveira Sampaio hatete katak iha Estado de direito, desizaun tribunal mak bot liu desizaun autoridade politika hanesan Governu no Parlamentu Nasional.
Desizaun tribunal nian bele sala, maibe nia iha maneira rasik atu kuriji, laos liu husi rezolusaun, mesmu ida ne’e salva guarda interese nasional.
“Ami hanoin tribunal mos sei la hakruk ba rezolusaun ne’ebe iha tanba latuir regra normal. Tribunal aviza tiha ona ba juis sira atu funsiona nafatin,”dehan Direktur Judicial System Monitoring Programe (JSMP), Luis de Oliveira Sampaio ba Jornalista sira iha nia kna’ar fatin, Colmera, Kinta (30/11).
Institusaun judisiariu hanesan tribunal, prokurador, defensoria, sira ne’e iha konselhu ida ne’ebe bolu konselhu majistradu judisiariu, konselhu ministeriu publik, konselhu defensoria ne’ebe iha kompetensia halo avaliasaun ba dezempenu juis, kapasidade, prestasaun servisu, komete indisiplinar ruma. Sira ne’e mak halo avaliasaun hodi rekomenda sai ka halo transferensia, laos autoridade politikus.
Tuir JSMP, kolabora ho konselhu, sira halo auditoria hotu mak rezultadu fo sai katak, deskobre iha buat ruma hanesan ne’e, implikasaun ba sistema ne’e mak bele hasai. Maibe hasai rezolusaun, termina kedas ema sira ne’e nia servisu, ne’e laejiste pratika normal ne’ebe iha. PN no Governu tenki rekonsidera fali rezolusaun ne’e, labele hatomana an buat hotu ho rezolusaun.
“Bele liu husi avisu ruma, mais laos liu husi rezolusaun, ne’e bele konsidera mos halo intervensaun direita ba setor justisa,” tenik Luis.
Orgaun soberanu tenki respeita funsionamentu lor-loron ninian tuir kompetensia ne’ebe mak konstitusaun fo.
JSMP rekomenda ba Prokurador Jeral Republika (PJR) no Provedoria Direitus Humanus no Justisa (PDHJ) atu estuda didiak rezolusaun ne’e tuir konstitusaun RDTL artigu 151.
Hodi bele analiza klean em termus legalidade, konstitusional no inkonstitusionalidade hodi lori ba Tribunal Rekursu.nty
SOurce: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template