Headlines News :
Home » , , , » TR Konsidera Artigu Balun Lei KOMSOS Inkonstitusional

TR Konsidera Artigu Balun Lei KOMSOS Inkonstitusional

Written By Timor News Online on 10/27/2014 | 8:16 PM



Tribunal Rekursu (TR) konsidera Lei Komunikasaun Sosial ne’ebe Prezidente da Republika veto hodi fo ba Tribunal atu haruka fila fali ba Parlamentu Nasional ne’e, inkonstitusional, tanba konteudu lei refere laklaru.
Xefe bankada CNRT Natalino dos Santos hatete katak, Tribunal dehan lei ne’e inkonstitusional, reformulasaun ne’e signifika nia tenki liu husi reapresiasaun.
“Tenki halo apresiasaun ba diploma ne’e, tanba iha ne’eba, Prezidente da Republika veta tiha ona, lei ne’e mai fali Parlaementu Nasional tenki reformula,” katak Natalino dos Santos.
Iha fatin hanesan, Xefe bankada FRETILIN, Aniceto Guterres mos hatete katak, kuandu lei ne’e inkonstitusional, entaun Parlamentu Nasional tenki reformula.
“Tanba veto ida inkonstitusionalidade, entaun komfirmasaun ne’e laiha, tanba ida ne’e laos veta politika, kuandu politika ne’e seluk ida. Prezidente remete fali lei ne’e mai Parlamentu Nasional ne’e atu reformula,”dehan Aniceto Guterres
Alende ne’e, Xefe bankada PD, Lurdes Bessa mos hatete katak, Parlamentu Nasional tenki justifika kestaun inkostitusional ne’e ba Tribunal Rekursu.
“Ita tenki justifika no esplika, tanba ita seidauk hatan ba kestaun husi Tribunal de Rekursus, kona-ba inskonstitusional,” katak Lurdes Bessa.
iha fatin hanesan, deputadu Fransisco da Costa husi bankada CNRT mos hatete katak, Tribunal rasik hatete katak, lei ne’e illegal ka inkonstitusional. Maibe inkonstitusional ne’e iha parte ida no artigu ida ne’ebé.
“Lei ne’e merese duni, ita tenki halo apresiasaun, tuir Konstituisaun da Republika. Tanba kuandu koalia kona-ba komunikasaun sosial, Konstituisaun da Republika mos hatete katak, persija iha limitasaun,”katak nia.
Hatan ba kestaun ne’e, Sekertariu Estadu Komunikasaun Sosial (SEKOMS), Nelio Isaac hatete katak, lei ne’e atu defende intrese intrese nasional.
“Ami hanoin katak, lei ida ne’e atu inkonstitusional ka la inskonstitusional, maibe importante liu maka ita atu lori orgaun komunikasaun sosial sira hatene oinsa atu defende ita nia intrese, ita nia soberanu,”Nelio Isaac.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template