Headlines News :
Home » , , , , , , » TT Tenki Hatudu Provas Ba Dívidas $8 Miloens

TT Tenki Hatudu Provas Ba Dívidas $8 Miloens

Written By Timor News Online on 10/28/2014 | 8:30 PM



Vice Ministru Transporte no Komunikasaun, Flavio Cardoso Neves, afrima, kompañia Timor Telecom (TT) tenki hatudu provas dividas $8 miloens ne’e ba Governu Timor Leste, nune’e bele hatene hodi evita manipulasaun dadus.
Ba ministeriu, importante mak provas hodi haree katak, dividas Governu nian hahu husi tinan 2008 iha ou laiha, se iha konserteza tenki selu, maibe laiha kompañia tenki responsabiliza.
Antes ne’e, Vice Primeiru Ministru dehan, dividas ho montante $8 miloens ne’e lalos, dala ruma faktus iha. Maibe persiza koopera ba malu hodi hatudu provas hodi konvense malu, se lae tau todan deit ba malu.
“Ita tenki hatudu provas konkretu hodi konvense katak, iha duni dividas. Se husi tinan 2008 ate agora mak seidauk selu minimal sira iha provas para hatudu” ,”dehan Vice Ministru transporte no Komunikasaun, Flavio Cardoso Neves ba JN-Diario iha nia kna’ar fatin, Caicoli, Tersa (28/10) horseik.
Nia dehan tan, se TT hatama invois minimal, TT iha tinan ida, hanesan provas, hanesan invois ne’ebe hatama tiha ona ba governu maibe governu la selu ne’e, nia hanoin buat ida ne’ebe Governo tenki haree.
Ba kazu ne’e, Governu ho TT kria ona ekipa ida atu investiga klean kazu dividas $8 miloes, ne’ebe to’o agora hamosu duvidas boot.
“Persiza iha investigasaun klean no cross cek ba dividas sira ne’e. Karik hetan duni dividas entaun governu tenki selu,” tenik nia.
Antes nee mos Primeiru Ministru, Kay Rala Xanana Gusmão fo instrusaun ba ministeriu sira atu haree dividas sira ne’e, hodi halo relatoriu ida hodi tau hamutuk, nune’e bele sai mos provas ida ne’ebe forte ba governu atu selu ba iha TT.
Nia akresenta, Ministeriu Transporte no Komunikasaun laiha kompetensia atu kontrola utilizasaun telefone institusaun no membru governu, ne’e fila fali ba institusaun atu kontrola, tanba kada fulan TT sempre lori invoice ba ministeriu hodi selu.
To’o nutisia ne’e hatun, JN-Diario lakonsege konfirma ho Diretur TT, tanba okupadu ho servisu.Ina
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template