Headlines News :

Alkatiri: Labele Kompriende Sala Deklarasaun Xanana

Written By Timor News Online on 11/17/2014 | 12:50 AM



Sekretariu Jeral Paritidu historiku FRETILIN, Mari Bim Amude Alkatiri hatete katak, publiku labele kompriende sala deklarasaun Primeiru Ministru, Kayrala Xanana Gusmao nian iha 12 Novembru liu ba nebe dehan nia ( Xanana ‘red) mak koruptor liu iha Timor Leste nee.
Mari Alkatiri konsidera deklarsaun nee hanesan salkaju ida publiku. Tanba agora dadauk ne’e, publiku konsidera Governu ida ne’e, barak maka komete korupsaun.
“Ema maka la kompriende Primeiru Ministru Xanana nia deklarasaun ne’e, ida ne’e portugues bolu dehan, Salkaju. Se imi komesa dehan ema hot-hotu koruptor, diak liu dehan, hau maka koruptu liu,”dehan Alkatiri ba Jornalista sira Ministeriu Negosiu Estranjeiru i Koperasaun Sesta (14/11).
Maibé Alkatiri dehan, Xanana la’os rekoñese katak, nia maka koruptu liu, publiku sira labele kumpriende sala deklarasaun Xanana nian ne’e, tanba dala barak ema koalia buat ida, ema kompriende fali buat seluk.
“Tenki husu ba joven sira ne’ebé halo asaun iha ne’eba, para sira bele hatete se maka iha sira nia kotuk,”ejiji Alkatiri.
Nia dehan, nia konsidera asaun ne’ebé maka halo husi joven sira iha selebrasaun 12 Novembru foin lalais ne’e, laiha importansia.
Antes ne’e, Primeiru Minitru (PM) Kay Rala Xanana Gusmão ran nakali hodi koalia ho lian maka’as ba joven sira ne’ebé maka partisipa iha selebrasaun 12 Novembru ba dala 23, tanba iha seremonia ne’e, iha joven balu maka aproveita tempu hodi halo asaun manifestasaun politika hasoru Governu.
“Koruptu hau maka koruptu liu imi hotu, hau maka koruptu liu iha Timor, hau naok osan Estadu nian barak tiha ona, hau impede ema atu ba Tribunal, matebian sira hau maka ne’e, hola hau ba,”dehan PM Xanana iha nia diskursu ba selebrasaun loron 12 ba dala 23 Kuarta (12/11) iha Semiteriu Santa Cruz.
Ho asaun ne’ebe maka halo husi joven balu ne’e, ho nerbozu Xanana hakilar ba matebian sira iha Santa Cruz atu hola ninia klamar, tanba ema akuza Governu ne’e halo ona koruptu barak liu, ba osan Estadu.
Rezolusaun Hotu Ne’ebé Aprova Husi PN Invalidu
EisPrimeiru Ministru, Mari Bim Amude Alkatiri deklara katak, rezolusaun sira ne’ebé maka durante ne’e aprova husi Parlamentu Nasional inkonstitusional hotu.
Alkatiri dehan tuir lei, rezolusaun sira ne’e la ejiste, tanba Parlamentu Nasional laiha planu, antes atu hasai rezolusaun ida.
“Hau dehan ona katak, se rezoluaun primeira ne’e, inkonstitusional, rezolusaun hot-hotu ne’ebé maka aprova iha Parlamentu Nasional hot-hotu dalan hanesan deit,”deklara Alkatiri ba jornalista sira Ministeriu Negosiu Estranjeiru i Koperasaun Sesta (14/11).
Alkatiri konsidera rezolusaun sira ne’ebé maka durante ne’e aprova husi Parlamentu Nasional ne’e inkonstitusional hotu, tanba ema ne’ebé maka aprova rezolusaun ne’e, hanesan deit tanba laos rezolusaun ida aprova husi ema ida.
Alkatiri haktuir, sei rezolusaun ida Parlamentu Nasional laiha kompetensia atu aprova, rezoluaun 10 mos laiha nafatin kompetensia atu aprova buat sira ne’e.
“Rezolusaun sira ne’e labale, no tuir lei katak, rezolusaun sira ne’e laiha ka la ejiste,”katak Alkatiri.
Nia esplika, kuandu Parlamentu Nasional hakarak halo rezolusaun, tenki tau iha ajenda katak, rezolusaun ba buat ida ne’e. laos konvoka dehan, audensia ho Primeiru Ministru, maibé aprova fali rezolusaun ida ne’e labele.
Maske rezolusaun ne’ebe aprova husi Parlamentu Nasional ho Governu hodi hapara kontratu autor judisiariu internasional sira ne’e hetan kritikas maka’as husi públiku, maibé Parlamentu Nasional ho Governu kontinua defende rezolusaun ne’e, ho intresenasional.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template