Headlines News :
Home » , , , , , » Asesor Internasional Ho Timor Oan, PR Taur Konfia

Asesor Internasional Ho Timor Oan, PR Taur Konfia

Written By Timor News Online on 11/03/2014 | 9:18 PM



Prezidente Republika (PR) Taur Matan Ruak, hateten katak kompara asesor Internasional ho Nasional, nia parte konfia liu Timor oan tanba hanesan Timor oan ne’ebe atu foti dezisaun ka halo buat ruma defende duni ninia nasaun, maibe internasional laiha.
“Asesor internasional ita presiza mas iha ha’u nia esperiensia durante funu tinan ruanulu resin hat (24) nia laran primeiru ha’u konfia ha’u nia ema Timor oan, segundu Timor oan no mos terseiru depois tuir mai mak sira seluk, ne’e laos foin mak ha’u koalia mas iha fatin ba fatin ha’u nia komportamentu hanesan ne’e,”hateten PR Taur ba Jornalista sira hafoin hala’o vizita iha Administrasaun Municipal Ermera, postu administrativu Atsabe, suku Lasaun, Sesta (31/10).
Xefi Estado ne’e tenik kakak, iha tinan 1999 hatudu Timor oan presiza apoiu komunidade internasional hanesan mos sira seluk presiza komunidade hot-hotu inklui Timor nia ajuda. Maibe PR Taur dehan, bele simu apoiu mai husi ne’ebe deit maibe se mak termina futuru Timor uniku Timor oan.
Tuir dokumentus nian ida kona ba dezisaun Governu no Parlamentu nian invoka buat ida bolu dehan interese nasional, nasaun hot-hotu iha mundu buat ida ne’ebe mak nia halo ne’e defende interese.
Bainhira husu kona ba kapasidade asesor internasional nian ne’e, Xefi Estado dehan katak sira (asesor Internasional) halo buat ne’ebe sira bele, sira mos labele halo milagre naturalmente maibe TL agradese sira hotu no kontinua konta sira nia apoiu.
Maibe mos husu ba Timor oan sira mos tenke hader haka’as-an labele toba bei-beik, tenke esforsa tanba Timor oan iha responsabilidade ba nia nasaun labele dependensia deit ba internasional, husu atu konfia an.may
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template