Headlines News :
Home » , , , , , » Asesor Internasional Manan US$ 25 mil, Eskandalu Bot Ba Timor Oan

Asesor Internasional Manan US$ 25 mil, Eskandalu Bot Ba Timor Oan

Written By Timor News Online on 11/06/2014 | 8:55 PM



Prezidenti Asosiasaun Advogadu Timor Leste (AATL) Manuel Tilman hateten katak, asesor internasional ida mai servisu hodi manan osan US$ 25 mil kada fulan iha Timor Leste (TL) ne’e, hanesan eskandalu bo’ot ida ba Timor oan sira.
Manuel Tilman haktuir, desde uluk kedas nia kontra politika ida ne’e, tanba ema estranjeiru labele manan osan liu fali ema Timoroan sira.
“Asesores internasional sira ne’e, uluk hau rasik kontra, tanba asesor internasional ida mai manan US$ 25 mill, hau uluk hanesan deputadu, hau manan US$ 400. Ida ne’e hanesan eskandalu bo’ot ida ba hau nia kakutak ne’e,”relata Manuel Tilman ba JN-Diário iha nia kna’ar fatin hotel Garden Beach Praia dos Coqueiros Dili.
Manuel Tilman dehan, nia iha Macau manan US$ 1000 kada fulan, maibe tanba nia rai Timor Leste maske nia manan US$ 400 kada fulan mos, nia hakarak kontribui buat di’ak ba nia nasaun rasik.
“Maibé to’o agora ita hakarak duni sira ne’e. kazu ne’e barak, hanesan asesores sira kazu ida, Juiz sira kazu ida, prokuradores mos kazu ida i advogadu sira mos kazu ida,”Manuel Tilman.
Nia dehan, tenki responde kazu ida-ida, atu nune’e bele la’o diak. Labele jeneraliza kazu sira ne’e hotu ba kazu ida deit. Asesor ida labele mai servisu hanesan la servisu, maibe nia manan osna liu fali Timor-oan sira.
Maibe tanba regra maka hanesan ne’e duni, entaun ba tau hamutuk busa, laho, karau, bibi, fahi, nehek no sakuranar iha kaut ida deit, depois lori kaut ne’e ba sunu tiha, ida ne’e lalos ona.
“Ne’eduni ita iha ema, ita umilde uit oan, simu malu ba, tanba buat ida ne’ebé maka Dr. Mari Alkatiri sempre repete dehan inkluzivu ne’e, tenki inkluzivu ba ita hotu, laos esklusivu deit ba ema balu,”esklarese nia.
Manuel Tilman hatutan, Timor-oan barak mos iha ona esperensia naton ona ba servisu sira hanesan asesor internasional sira halo ne’e. tanba ne’e tenki fo fiar mos ba Timor-oan sira atu kaer servisu ida ne’e.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template