Headlines News :
Home » , , , , , , , , , , , , , » Asesor KAK Lori Sai Dokumentus TL Nian Estadu Iha Direitu Atu Husu Fila-Fali

Asesor KAK Lori Sai Dokumentus TL Nian Estadu Iha Direitu Atu Husu Fila-Fali

Written By Timor News Online on 11/17/2014 | 12:59 AM



Ministru Justisa (MJ) Dionisio Babo hateten katak, dokumentus Timor Leste (TL) nian ne’ebé maka lori sai husi eis asesor Komisaun Anti Korupsaun (KAK), Governu iha kompeténsia tomak atu foti fila-fali dokumentu sira ne’e.
“To’o agora ita seidauk hetan informasaun konkreta ida, maibé tuir média internasionál sira nia publikasaun ne’e, ha’u hanoin tenki iha kontaktu ho KAK, tanba KAK maka kontratu ho asesor ne’e,” hateten Dionisio Babo ba Jornalista sira iha Ministériu Negósius Estranjeirus i Koperasaun, Sesta, (14/11).
Dionisio Babo haktuir katak, sé dokumentu sira ne’e nia lori sai duni kontentór ida, ida ne’e partense ba Estadu Timor nian, tenki lori fila-fali mai.
“Ida ne’e mós hanesan borla ida no hanesan kriminozu ida ne’ebé maka sala teb-tebes no ha’u hanoin Governu Timor Leste iha direitu tomak atu husu dokumentu sira ne’e fila-fali,”katak Dionisio Babo.
Dionsio dehan, tenki halo mós buka liña liu husi parte legál, tanba hahalok hanesan ne’e labele akontese.
Maibé Dionisio dehan, tenki kordena ho KAK, hodi haree nia kontratu sira ne’e hotu hodi Governu bele kontaktu liu husi kanais ne’ebé maka iha hodi bele foti fali dokumentu sira ne’e.
“Tanba ita iha kanais ho Governu Português ho Interpol no buat sira ne’e. Ita sei haree to’ok. Maibé medidas ne’e sei entrega ba KAK hodi haree buat ne’e depois ita sei iha dalan hanesan baze legál ita liu husi Ministériu Públiku,” relata Dionisio.
Alénde ne’e, Dionisio Babo mós informa katak, Sábadu (15/11) nia sei aranka ba Portugal tanba orientasaun husi Primeiru Ministru (PM) Kay Rala Xanana Gusmão.
“Depois sorumutu Primeiru Ministru Kay Rala Xanana Gusmão, embaixador Portugal ho ha’u, PM Xanana haruka ha’u atu ba Portugal no Caboverde atu ba koalia kona-ba asuntu ida ne’e,”informa Dionisio Babo.
Dionisio Babo dehan, nia haruka ona surat ida ba Konsellu Superior Majistratura Portugal ho Caboverde nian i Ministra Portugal ne’e mós konkorda ona no fó ona tempu atu Dionisio Babo bele ba hasoru nia.
Iha fatin hanesan, Eis Primeiru Ministru, Mari Bim Amude Alkatiri mós hatete katak, kona-ba eis asesor Komiaun Anti Korupsaun nian, ne’ebé maka dadauk ne’e deskobre segredu Justisa Timor nian iha nasaun seluk Alkatiri dehan, nia seidauk fiar ba ema hot-hotu nia deklarasoens.
“Ha’u lafiar, kuandu ha’u iha dadus rasik maka ha’u fiar, kuandu ha’u laiha dadus , ha’u lafiar,”dehan Alkatiri.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template