Headlines News :
Home » , , , , , , , , , » CNRT Apoiu Rezolusaun PN, Timor Oan Labele Fahe Malu

CNRT Apoiu Rezolusaun PN, Timor Oan Labele Fahe Malu

Written By Timor News Online on 11/17/2014 | 12:43 AM



Partidu Congresso Nacional de Reconstrucção Timorense (CNRT), apoiu maximu ba rezolusaun Parlamentu Nasional (PN) nian hodi halo auditoria ba seitor jsutisa.
Partidu CNRT mós husu ba Governu hodi kria konsulta setor jsutisa sira hodi kria planu ne’ebé diak para fasilita Timor-oan hodi nune’e Timor-oan sira bele iha kbiit liu tan, infrenta kazu kompleksus sira iha futuru.
“Husu ba Governu atu hala’o konsultas ho reprezentante tribunais, MInisteriu Públiku, Komisaun Anti Korupsaun, defensoria públika no advogadu privadus kona ba planu ne’ebé diak atu fasilita Timor-oan hodi nune’e República Democratika de Timor-Leste bele hetan kbiit dadaun no kbiit liu tan atu infrenta iha futuru kazus kompleksus ne’ebé sei mosu ho dezenvolvimentu ita nia rai doben,”deklara Vice Prezidente partidu CNRT, Virgilio Smith, liu husi konferensia ba imprensa iha Xanana Sport Center, Domingo (16/11), hafoin halo konferensia nasional juventude ka estrutura CNRT husi Distritu 13.
Deklarasaun politika ne’e afirma mós katak, juventude CNRT apoiu totalmente ba rezolusaun PN nian hodi halo auditoria ba setor justisa.
Tamba nu’udar Primeiru Ministru (PM), Kay Rala Xanana Gusmão, tenki hatene hahalok prokuradores sira nian ne’ebé defende direitus Estadu nian hasoru kompaña petroliferu sira.
“Apoiu rezolusaun Parlamentu Nasional ne’ebé temi konaba atu halo auditoria ba sietor jsutisa, halo auditoria ba Ministerio Públiku hodi husu responsabilidade ba Prokurador Jeral Repúblika husi tinan 2010 to’o 2013 tamba nudar Xefe instituisaun Estadu ida ne’e nian, nia tenki hatene oinsa hahalok prokuradores sira nian kona ba defeza dos interese Estadu hasoru kompaña petroliferas,”dehan nia.
Tuir nia, kona ba atu halo auditoria ba Tribunal Distrital Dili (TDD) hodi husu responsabilidade ba hahalok la hatudu imparsialidade husi juis sira nian, ne’e iha rajaun duni
“Halo auditoria ba Tribunal Dili hodi husu responsabilidade ba hahalok ne’ebé la hatudu imparsialidade, husi autores judisiais kazus ho kompaña petroliferas,”esplika Virgilio Smith.
Partidu CNRT mós apoiu inkondisionalmente esforsu Estadu liu husi Kintu (V) Governu Konstitusional hodi introdus kuadrus lejislativu ne’ebé serve atu proteje interese nasionais no bajeia ba principio demokratikus ne’ebé Timor-Leste adere ba.
CNRT mós apoiu rezolusaun PN nian hodi fo poder ba Governu kria Konselhu ba liña fronteira nian entre Timor-Leste ho país viziñu sira.
“Apoia inkondisionalmente rezoluzaun Parlamentu Nasional hodi harii Konsellu Nasional ida atu deside kona ba de limitasaun fronteira maritime ho rai vijiñus sira,”dehan nia.
Alen de ne’e partidu CNRT mós apoiu esforsu V Governu Konstitusional atu hametin relasaun diak ho Estadus viziñus no país Lingua Portuguesa sira.
Partisipa iha konferensia ne’e estrutura partidu CNRT nian husi 13 distritu no inklui membru Partidu CNRT nian iha Parlamentu Nasional no membru Governu sira.
Labele Fahe Malu
Nune’e mós iha loron hanesan, juventude partidu Congresso Nacional de Reconstrucção Timorense (CNRT), husu ba Timor-oan sira atu labele fahe malu hodi kuda unidade hamutuk ho lideres nasional sira ba defende interese nasional.
Timor-oan labele fahe malu hodi fo oportunidade ba ema seluk tama para sobu Timor-oan iha rai doben ida ne’e.
“Hamutuk ho ita nia lider nasional sira, liu-liu maun Xanana Gusmão no mós lider sira seluk hanesan Prezidente Repúblika, ita nia maun bot Mari Alkatiri, ita nia maun Lu-Olo no maun Horta ho sira seluk ne’ebé maka uluk to’o agora sempre fo sira nia kontribuisaun bot hamutuk ho jovens hotu ho povu tomak atu fo sira nia kontribuisaun ba dezenvolve nasaun ida ne’e hetan diak,”Prezidente Conselho Direção Nacional (CDN-CNRT), Francisco Kalbuady Lay, ba jornalista iha Xanana Sport Center, Bairo Formosa, Dili.
Partidu CNRT mós apelu ba Timor-oan tenki hamutuk no labele provoka malu hodi fo oportunidade ba ema estranjeiru sira hodi fahe Timor-oan.
“Ami apelu ita ho ita maka tenki hamutuk labele mai provoka fali situasaun, situasaun sira hanesan uluk sobu ita iha ita nia rai doben ida ne’e nia klaran,”dehan Kalbuady Lay.
Partidu CNRT mós fiar metin nafatin ba militantes tomak ho nia lideransa no estrutura tomak, povu timor tomak, kria paz no estabilidade iha rai laran tamba ne’e konsiente katak timor-oan tenki hamutuk hodi defende interese nasional, hodi nune’e bele dezemvolve Timor-Leste ba oin.
Aktual Ministru Turizmu no Kultura (MTK) ne’e hatutan tan katak, partidu CNRT hanesan partidu ida ne’ebé hetan konfiansa husi povu iha eleisaun lejislatura 2012 hodi hetan maioria absoluta tamba ne’e membru partidu CNRT tomak sei tau interese nasional a’as liu doque interese privadu. dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template