Headlines News :
Home » , , , , , » Dívidas TT 8.5 Milloens Emilia Pires: Iha Provas, Governu Sei La Selu

Dívidas TT 8.5 Milloens Emilia Pires: Iha Provas, Governu Sei La Selu

Written By Timor News Online on 11/06/2014 | 9:13 PM



Ministra Finansas (MF), Emilia Pires, esplika katak, kona ba dívidas Timor-Telekom (TT) nian hamutuk 8.5 Milloens ne’e karik laiha provas konkreta husi Governu entaun Governu sei selu maibe iha provas entaun Governu sei la selu.
“Portantu ami tenki fila fali 2012-2013 husi ne’eba to’o agora i sasan ke laiha provas konkretas entaun Governu maka simu tenki selu, mas sasan ke iha provas konkretas ke la’os dívidas entaun Governu la selu,”dehan MF, Emilia Pires, ba deputadu sira iha Parlamentu Nasional (PN), Kinta (06/10), wainhira halo audiensia públiku ho komisaun C ne’ebé trata asuntu Finansas Públiku.
Ministra Finansas ne’e hateten, kona ba dívidas TT nian la’os hanesan TT dehan, tamba orsamentu barak maka Governu selu ona.
Ministra ne’e afirma katak, ho problema ne’e Governu sei hadiak nia sistema administrasaun maibe Timor-Telekom mós tenki hadiak nune’e ba futuru labele akontese problema hanesan ne’e.
“Dívidas ne’e exatamente la’os hanesan Timor-Telekom hateten, barak maka selu tiha ona maibe infelizmente, administrasaun la’os deit Governu nian maka hadiak, maibe mós seitor privadu mós tenki hadiak, neste kazu Timor Telekom. Portantu situasaun maka agora iha ne’eba, to’o agora maka ida ne’e,”Ministra, Emilia Pires, afirma.
Alen de ne’e Ministra Finansas afirma katak, dívidas Governu nian ne’ebé maka Ministerio Finansas iha maka kona ba kazu Timor-Telekom nian, husi Ministerio seluk kona ba dívidas seidauk lori Ministerio Finansas.
“Kona ba dívidas, husi Ministerio sira seluk lori mai maka ita hatene maibe oras ne’e dadauk iha maka konaba TT nian,”Ministra ne’e hateten.
Ministra Finansas esplika, dívidas ne’e ba deputadu sira wainhira deputadu sira husu kona ba dívidas Governu nian tamba tuir informasaun katak Governu iha dívidas barak ne’ebé maka Governu presiza tenki selu inklui mós dividas konaba kompaña TT nian.
Deputadu husi bankada opozisaun Frente Revolusionario Timor-Leste Independente (FRETILIN), Inacio, husu kona ba dividas fundu infraestrutura nian hahú husi tinan 2011 to’o 2014 tamba iha informasaun katak Governu iha dividas barak sobre fundu infraestrutura nian.
“Dividas ba fundu infraestrutura husi 2011 to’o 2014 ne’e hira,”dehan Inacio Morreira.
Nune’e mós deputadu sira husi bankada FRETILIN husu mós konaba kazu dividas ho Kompaña TT tamba to’o oras ne’e seidauk rezolve.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template