Headlines News :
Home » , , , , » DNTT Uza Internet Prosesa Dokumentus

DNTT Uza Internet Prosesa Dokumentus

Written By Timor News Online on 11/24/2014 | 8:39 PM

Diresaun Nasional Transporte Terrestres (DNTT) agora uza ona internet liu husi modem hodi prosesa dokumentus kareta no motor.
Diretor Diresaun Nasional Transporte Terestre (DNTT) Natalino de Resario informa, prosesa dokumentus uluk no agora la hanesan, tanba fatin trata dokumentus laos iha fatin ida deit, maibe fatin rua.
Nia fo exempli, ba motor no kareta sira ne’ebe foun katak, foin sai husi Deler ne’e ba rezistu tiha iha DNTT Balide mak mai halo inspeksaun iha Comoro, kala han tempu semana ida deit.
“Komesa hau tama hau muda uluk mak revizaunno fatin rejistu. Posesamentu dokumentus hotu ligasaun ho Internet ne’ebe kuandu motorista sira rejistu iha Comoro halo kedas inspesaun, nune’e bele loron ida deit iha ne’eba,” informa Natalino ba JN-Diario iha nia kna’ar fatin Balide foin lalis ne’e. Relasiona ho prekupasaun motorista sira konaba prosesu dokumentus ne’ebe demora demais.
Ho fasilitasaun Internet refere, nia sente bele ona hamenus tempu ba prosesu dokumentus sira, maibe dala ruma mos faila entaun halo prosesu ne’e kleur. Tanba ne’e DNTT buka uza Modem atu nune’e labele fo impaktu.
Iha tinan 2015 sei muda hotu ekipamentus printer balun ba iha Comoro, nune’e bele halais liu tan prosesu refere inklui mos prosesu pagamentu ba dokumentus ba motor no kareta sei la halo iha DNTT, maibe sei halo liu husi Banku.
“Agora dadauk ne’e ami mos hanoin hela atu oinsa kliente sira ne’e atu selu direita iha banku entaun nia prosesu ne’e sei lais liu mak hanesan ohin ne’e nia registu, ohin nia selu iha banku se fasilidade inspesaun hare dokumentus komple entaun ohin mos nia bele foti estenka iha ne’eba nune’e la presija hein kleur tan,” esplika Natalino.
Ho lamentasaun ne’ebe kliente sira hato’o, Diretor ne’e promete katak, ba oin prosesu dokumentus ba SNTK no Karta Kondusaun kareta no motor sei prosesu lais liu kompara ho uluk
“Atu trata SNTK no SIM semana ida. Ami agora sei fo SIM provizoriu to’o semana ida mak sira mai foti asli,” nia haktuir.
Natalino esplika liu tan tuir dekretu lei ne’ebe iha katak kada karta kondisaun no SNTK sei liu prosesu tinan rua hafoin pasa ba tinan lima, ne’ebe tinan rua ne’e selu $10.00 no tinan lima ne’e selu $ 20.00 ba kareta no motor.
Tuir administrasaun, atu ba rejistu motor ho xapa selu $59,00, kareta kik hanesan Pajero, Microlet inklui sira seluk rejistu ho valor $97.50 cent no kareta kamioneta ho valor $154.50 cen.Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template