Headlines News :
Home » , , , , , , , , , , » DR Mari Alkatiri “Labele Fo Dalan Ema Usa Frakeza Estadu Hanehan Povo’’

DR Mari Alkatiri “Labele Fo Dalan Ema Usa Frakeza Estadu Hanehan Povo’’

Written By Timor News Online on 11/10/2014 | 10:19 PM



Sekretariu Jeral FRETILIN, Mari Bim Amude Alkatiri apela ba Organizasaun Joventude dos Estudantes Timor Leste (OJETIL) atu nakloke an ba jerasaun foun sira no labele fo dalan ba ema seluk hodi uza frakezas ne’ebé maka Estadu ne’e iha hodi hanehan povu.
Eis Primeiru Ministru iha primeiru governu konstitusional nee husu ba povu tomak katak kuandu iha hanoin ne’ebé la hanesan, tenki tu’ur hamutuk atu koali, hodi buka nia diferensa ne’e iha ne’ebé.
“espíritu joven ne’e laiha buat ida, maibe kuandu foti an sei joven nafatin, ida ne’e buat seluk. Tanba sei ita foti an no senti katak, ita joven nafatin,   ita taka dalan ba jerasaun foun sira, tanba sira mos iha direitu atu partisipa, no sira mos iha direitu atu hatutan tan luta ne’e,”hatete Mari Alkatiri iha nia intervensaun iha segundu komferensia OJETIL nian, ne’ebé hala’o iha Centro Convensoens Dili Segunda (10/11).
Mari Alkatiri hatutan katak, OJETIL organizasaun ida ne’ebé moris hanesan organizasaun joventude, atu hatutan tan sakrifisiu joven sira hanesan Nicolau Lobato, Vicente Reis no sira bar-barak tan, ne’ebé fó an ba mate.
OJETIL moris hanesan organizasaun joventude, no ohin halo nia segunda komfrensia, atu loke dalan ba joven foun, atu hatutan tan luta OJETIL nian no luta FRETILIN nian.
Alkatiri dehan, segunda komfrensia OJETIL nian ne’e laos atu tu ba rai metin, i la fó dalan ba joven jerasaun foun sira. Tenki loke dalan ba jerasaun foun sira, maibé kaer metin nafatin espíritu joventude OJETIL nia ezemplu luta.
Tema ba komfrensia ida ne’e, maka atu haburas fila-fali patriotismu ho nasionalismu atu hala’o dezenvolvimentu.
“Iha Prosesu hari Estadu ho abondansia de rikeza, ita tenki iha atensaun bo’ot para hare katak, labele fó dalan atu ema uza ita nia hanoin ne’ebé ke lahanesan, labele fó ema uza ita nia diferensa, para atu fahe ita,”dehan Alkatiri.
Alkatiri hatutan, kuandu hare katak, ema komesa uza Timor-oan sira nia diferensa atu sama fali povu ida ne’e, tenki hamutuk fila-fali, para hatudu katak, rai Timor ne’e, ema barak maka fó ona ninia vida para atu liverta rai ida ne’e.
“Ita nia povu ne’e sei persija mos ita atu hamutuk fila-fali, para tau intrese nasaun nian iha leten no tau intrese Estadu nian, maka foin resolve ita nia diferensa sira ne’e. hau bele garante ba povu tomak katak, ema sei la fahe ita,”dehan Alkatiri.
Tanba dalabarak Veteranus sira ne’e kuandu atu koalia kona-ba dezenvolvimentu, koalia deit ba ekonomia no finansa. Maibe dezenvolvimentu laos ida ne’e deit.
“Ita kuandu hakarak koalia duni ba dezenvolvimentu, ita koalia primeiru kona-ba ita nia kapasidade, atu transfere saida maka ita dehan patriotismu, nasionalismu ba jerasaun foun,”relata Alkatiri.
Espiritu joven ne’e tenki mantein nafatin, maibe situasaun ba joven sira jerasaun tuan sira tenki fó fatin. Tanba Alkatiri dehan, sira uluk hahu funu ne’e sira se joven duni, agora sira katuas ona, maibé espiritu , prinsipiu ho valores joven ne’e sei nafatin.
“Ida ne’e atu halo nusa maka espiritu no valores sira no prinsipiu sira hanesan ne’e, bele transfere jerasaun foun, li-liu ba be oan sira. Ne’e bele dehan, fundasi ba dezenvolvimentu nasional,”afirma Alkatiri.
Tanba kuandu koalia ba dezenvolvimentu sustentavel, maibe laiha kapasidade atu halo buat ida ne’e, atu transfere prinsipius ho valores luta nia ba jerasaun foun, entaun osan bele barak, maibe dezenvolvimentu sei la sustenntavel.
Kuandu dehan transfere i haburas ho sistema edukasaun, saude ida ne’ebé diak, par abele diak liu, jerasaun foun sira, para sira bele matenek liu matenek nain sira agora ne’e, hodi bele hala’o servisu diak liu tan, haklaken Alkatiri.
“Iha tinan 12 nia laran, natureza impresta mai ita osan barak, no loke dezafius foun ba ita hotu, atu halo jestaun ba abondansia ida ne’e. tanba normalmente kuandu ita koalia ba ekonomia, laos jestaun de abondansia, maibé jestaun rekursu Estadu,”esplika Alkatiri.
Maibé desafiu ne’e bo’ot tebes ba Timor-oan hotu, tanba seidauk preparadu atu halo kestaun abondansia.
“Entaun ita hotu hanoin katak, ne’e ita riku ona, maibe ho osan imprestadu la iha ema ida atu sai riku, tanba osan ne’e natureza maka impresta, kuandu ita dehan ita riku ona, ita sala ona. Osan ne’e la sai husi ita nia kosar bem, no osan ne’e la sai husi ita nia servisu rasik,”relata Alkatiri.
Nia haktuir, lakleur tan, osan ne’e, bele sai US$ 20 miloens iha Timor LEsste nia fundu petrolifru, maibé ida ne’e seidauk riku.
Maibe osan n ida ne’e aban bainrua Timor Leste bele sai riku, ou bele sai kiak liu tan. Kuandu bainhira Timor Leste sai kiak liutan, iha uma ida kuandu pão laiha, ema hotu sei fó sala ba malu.
“Ida ne’e tanba hein deit projetu, hodi ba satia Primeiru Ministru Xanana ho hau agora Prezidente ZEESM tanba projetu deit, la hetan projetu ami nain rua maka sala. Hau hakarak fila-fali katak, veteranus ne’e buat ida, no veteranismu, buat seluk,”dehan Alkatiri.
Kuandu hakarak uja deit estatutu hanesan veteranus atu reklama deit direitu, nia hanoin laiha ona obrigasaun no deveres, ida ne’e bolu veteranismu.
Tanba Alkatiri dehan, kuandu veteranus duni, nia sei hatene katak nia halo duni ona no nia iha direitu. Maibe direitu ne’e atu fó kbi’it ba veteranus ida-ida atu kumpri nia dever, atu kontinua prosesu ne’e ba livertasaun povu.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template