Headlines News :
Home » , , , , , , , , » Duun “Milisia’, ACBN Prosesa Eis Asesor KAK

Duun “Milisia’, ACBN Prosesa Eis Asesor KAK

Written By Timor News Online on 11/18/2014 | 12:12 AM



Associacão dos Combatentes Brigada Negra (ACBN), Segunda (17/11), hato’o keixa ba Prokurador Geral Republika (PGR) hodi prosesa eis Asesor Komisaun Anti Korrupsaun (KAK), Jose Fernando Brito, ne’ebe halo deklarasaun “bosok” no “falsu” hasoru Brigada Negra (BN).
ACBN hola dalan legal hasoru asesor internasional sidadaun Portugues, Jose Fernando Brito, tanba halo deklarasaun iha media Portugues nian hodi duun no hateten, “Milisia Brigada Negra ne’ebe iha ligasaun ho Xanana oras ne’e dadaun halo avizu ba funsionarios judisiais sira hotu atu taka ibun.
Iha intervista ida ne’ebe publika iha media Portugal (Diario Noticia), edisaun Kuarta 12 Novembru 2014, Jose Fernando Brito, sublinha ho lian Portugues katak, “A milicia Brigada Negra Ligada a Xanana, esta a avisar todos os funcionarios judiciarios para se manteren calados”.
Membru Brigada Negra ne’ebe hato’o keixa diretamente ba Prokurador Geral Republika (PGR), Jose Ximenes ne’e, kompostu husi eis Komandante Operasaun Brigada Negra, Tama Laka Aquita, Wilson Cabral, Germano da Silva “Hatta”, Nelson Correia “Mautula”, Nuno Corvelho “Laloran”, ho Jose Caetano Boavida Simões.
Tama Laka Aquita esklarese ba JNDiario katak, Brigada Negra (BN) la’os hari iha tempu ukun rasik aan, maibe BN hanesan forsa espesial ida hari iha faze luta ba ukun rasik aan iha tinan 1995.
Estabelesimentu BN iha faze luta ba ukun rasik an ne’ebe lidera husi bazeia Avelino Coelho, atual Sekretariu Estadu ba Konselho Ministru, bazeia ba karta husi Komandante em Xefi Armada das FALINTIL, Kayrala Xanana Gusmão, atual Primeiro Ministro RDTL ho karta husi Xefi Estado Maior das FALINTIL, Taur Matan Ruak, atual Presidente Republika Timor Leste.
“BN la’os milisia nebe moris iha faze ukun rasik aan, maibe BN hari hanesan forsa espesial hodi halo guerrilla Urbana hahu kedas iha tempo okupasaun militar Indonesia nia laran,” esplika Tama Laka Aquita.
Tama Laka Aquita mos esklarese katak, PGR Jose Ximenes mos sente ladun “satisfeitu” ho hahalok eis Asesor KAK, Jose Fernando Brito, ne’ebe alerta dokumentus no segredu estadu Timor Leste nian ba publiku.
“PGR Jose Ximenes dehan mai ami katak, dau-daun ne’e kooperasaun instituisaun judisiariu TL ho Portugues kontinua diak nafatin no nia sei hato’o kazu ne’e ba PGR Portugues atu buka dalan legal no prosesa kazu ida ne’e,” hateten Tama Laka Aquita.
Tuir Aquita, PGR Jose Ximenes mos dehan, Jose Fernando Brito, hanesan majistradu la “merese” hatudu karater nune’e hodi lori fali nasaun ida nia dokumentus segredu hodi kontra no halo “atake” hasoru fali nasaun refere. sel
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template