Headlines News :
Home » , , , , » Emilia Pires: Deputadus Barak Frustradu

Emilia Pires: Deputadus Barak Frustradu

Written By Timor News Online on 11/06/2014 | 9:23 PM



Ministra Finansas (MF), Emilia Pires, hateten, deputadus barak maka frustradu tamba ne’e halo krítika maka’as kona ba politika hadia uma laran.
Ministra, Emilia Pires hateten dala barak MF hetan akuzasaun barak ne’ebé maka laloos no failansu barak ne’e la’os iha tezouru.
“Dala barak ami hetan akuzasoens barak ke laloos, failansu barak la’os iha tezouru portantu ida ne’e hatutan fali politika ida hadia uma laran, ha’u haree deputadus barak frustradu dehan hadia uma laran ne’e to’o iha ne’ebé?,” dehan MF, Emilia Pires ba deputado sira iha Parlamentu Nasional (PN), Kinta, (06/10) wainhira halo audensia públika ho komisaun C ne’ebé trata asuntu Finansas Públikas.
Ministra, Emilia Pires hateten lia hirak ne’e wainhira deputada husi bankada partido opozisaun Frente Revolusionario Timor-Leste Independente (FRETILIN), Angelica Rangel ne’ebé hanesan mós membru Komisaun C husu konaba politika Governu nian hodi hadia uma laran ne’ebé maka to’o ona tinan tolu (3) Bloku Governu Koligasaun (BGK) nia lideransa maibe kontinua hadia uma laran, maibe servisu maka nune’e nafatin.
Ho lia fuan frustradu ne’e hetan reasaun makas husi partido opozisaun iha Parlamentu Nasional (PN) tamba deputados sira ba tur iha Parlamentu la’os ba mesak maibe eleitu husi povu, hodi reprezenta povu iha PN la’os frustradu maka ba tur iha Parlamentu.
Husi lia fuan ne’e Ministra husu deskulpa maibe deputadu husi bankada opozisaun la simu no husu nafatin esplikasaun tamba ne’e, Ministra esplika katak tuir nia komprensaun konaba lia fuan frustradu ne’e tamba deputadu sira kritika makas i ejiji nafatin hodi fo resposta no dehan bosok maibe resposta husi Ministerio nian fo nafatin maibe deputados sira nafatin husu tamba ne’e Ministra ne’e dehan deputadu barak frustradu hela.
“Mai ha’u a palavra frustrada não é um insulto mas ita boot lori hanesan ne’e, prontu se ita boot nia intrepretasaun hanesan ne’e, ha’u bele husu deskulpa ba ita boot, ha’u lakoi ofende ita boot,”Emilia Pires, esplika.
Ministra ne’e mós esplika tan katak Primeiru Ministru (PM), Kay Rala Xanana Gusmão rasik kurizi nia liafuan katak Tetum ladun diak
“ Primeiru Ministru mós hateten dala hira ona dehan ha’u nia Tetun ne’e ladun diak, i sim, ha’u aseita tamba ha’u mai husi fatin seluk, ha’u nia definisaun buat seluk, agora maka ha’u komprende ita boot sira nia definisaun, la’os ida ne’e maka ha’u nia intensaun,”Ministra ne’e hatutan.
Deputada husi bankada opozisaun FRETILIN, Angelica Rangel ho hakilar hodi dehan deputadu sira ba tur iha Parlamentu la’os ho hakarak rasik maibe povu maka hili tamba ne’e labele dehan deputadus sira frustradu.
“Ami mai tur iha ne’e la’os frustradu, ami mai tur iha ne’e reprezenta povu,”dehan deputada, Angelica Rangel ho lian makas.
Nune’e mós deputadu husi bankada opozisaun Fretelin, Inacio Morreira no Aurelio Freitas Ribeiro hateten ho lian makas katak laiha deputadu ida iha PN maka frustradu tamba ne’e tenki esplika konaba liafuan frustradu ne’e.
“Ohin (horseik-red), ha’u mós koalia barak mas la’os ema frustradu ida tamba ha’u mai ne’e hetan konfiansa husi povu mai tur iha ne’e, tamba ne’e ha’u husu sinora Ministra atu esplika mai ha’u kontiudu frustradu ne’e, tamba tuir ha’u nia komprensaun ema halo buat ida, nia lakon ona esperansa maka nia halo buat hotu nar-naran deit, halo buat ida arbiru deit tamba ne’e maka dehan ema ne’e frustradu ona,”dehan Deputado, Aurelio.
Iha biban ne’e deputadu husi bloku, partido Congresu Nasional Rekonstrusaun Timorense (CNRT), Pedro dos Martires da Costa fo intervensaun katak audensia públiku ne’e koalia konaba orsamentu nian tamba ne’e Ministra husu ona deskulpa ne’e rai fali ba oportunidade seluk.
“Ita diskuti asuntu orsamentu, lia fuan sira ohin naksalak karik ohin, husu tiha ona deskulpa, ita rai ba oportunidade seluk,”Pedro da Costa.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template