Headlines News :
Home » , , , , , , , , , , , » Espionajen Sei Kontinua Eziste Iha TL

Espionajen Sei Kontinua Eziste Iha TL

Written By Timor News Online on 11/24/2014 | 1:42 AM



Primeiru Ministru (PM) Kay Rala Xanana Gusmão informa katak, to’o agora espionajen ne’e sei kontinua eziste iha Timor Leste.
“Espionajen ne’e sei eziste iha fatin hot-hotu, satan iha ita ne’ebé rai ki’ik. Ita komu sei rai foin maka bo’ok-an no rai ida ne’ebé sei kasian, buat ida ne’e iha,”hateten PM Xanana ba Jornalista sira iha Meskita Kampung Alor Dili, Domingo (23/11).
Xanana dehan, lalika dehan iha Timor Leste deit, iha Áfrika no fatin sira seluk mós espionajen ne’e sei iha.
“Rai riku sira ne’e hatene ita mos, ita nia kelemahan iha ne’ebé no ita nia buat ne’e iha ne’ebe,”relata Xanana.
Maibé ohin ba aban, Xanana dehan, Timor Leste sei la konsiente atu monu nafatin ba ema sira ne’e nia jogu. Espionazem ne’e sermpre ejiste iha nasaun ne’ebé deit maka iha rikusoin oi-oin, tanba buat ida espionazem ne’e, iha ninia tujuan.
Ema halo espiaun ba Timor Leste, tanba Timor Leste laos riku liu, maibé iha rikusoin uit oan, ne’ebé ema mos tau hela intrese ba.
Tanba ne’e, Xanana dehan, joven sira mos tenki apar ho situasaun sira ne’e, i buka atu hatene saida maka dadauk ne’e la’o hela.
Iha fulan hira liu ba, ema monta espiaun iha Palacio Governu, Palacio Prezidente no Ministeriu Ministeriu Petroleum e Rekursu Minarais. Ho situasaun ida ne’e, joven sira halo asaun manifestasaun iha Embaixada Australia nia oin, husu atu hapara espiaun ida ne’e.
Tanba iha momentu ne’eba mos, Australia ataka rezidensia Advogadu Timor Leste nian iha Australia hodi foti sai dokumentus Timor Leste nian kona-ba kazu CMATS.
Ho kazu espiaun ida ne’e mos, Timor Leste ho Australia dada malu ba to’o iha tribunal arbitrazem Den Haag Olanda, tanba Australia rezeita halo situasaun ida ne’e mai Timor Leste.
Iha Olanda, Tribunal internasional Den Haag deside Australia lakon no husu ba Australia atu hapara nia hahalok ida ne’e. ho desizaun Tribunal Den Haag nian ne’e, mundu internasional liu husi ONU kondena Australia nia hahalok ida ne’e, liu husi   rezolusaun ida hodi kondena espionazem ne’e rasik.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template