Headlines News :
Home » , , , » Feto Foin Sa’e Labele Tauk Tama Iha Vida Politika

Feto Foin Sa’e Labele Tauk Tama Iha Vida Politika

Written By Timor News Online on 11/04/2014 | 8:33 PM



Olandina Caeiro nu’udar lider feto iha Timor Leste husu ba feto foinsa’e sira atu labele tauk hodi tama ba iha vida politika,maibe tenki brani hodi kompete ho mane sira iha vida politika,tamba dadaun ne’e partisipasaun feto iha vida politika mos bele ona.
Olandina Caeiro lider ida iha feto sira nia movimentu desde tempu resistensia ne’e husu ba feto foin sa’e sira ne’ebe mak agora dadauk ne’e lakohi estuda le’e jornal,livru no sira seluktan katak,tenki estuda kama’as ho mane maluk sira,tamba feto iha membru Parlamentu Nasional dadauk ne’e hatudu katak feto foinsa’e sira tenki estuda maka’as liutan hodi nune’e ba tinan 15 oin mai bele ba to’o iha ne’eba no iha area seluk.
Lider feto ne’e hatete iha nia esplikasaun iha seminariu nasional ho nia topiku ‘’ Feto Sira Iha Timor Leste Ida Ne’ebe Muda Dadaun Pasadu,Prezente,no Futuru’’iha salaun Universidade Nasional Timor Lorosa’e (UNTL) Tersa (4/11) relasiona ho selebrasaun feto nian ne’ebe mak monu iha loron 3 Novembru tinan ne’e.
Lider feto ne’e esplika katak,feto laos ba asesu iha universidade mak foin matenek,maibe tenki esforsu hodi le livru barak hodi estuda situasaun,tamba tuir lider feto ne’e nia hare ba feto foin sa’e sira iha fatin fatin nunka le’e livru,jornal no asesu media.
Tamba tuir nia hare feto foinsa’e sira agora dadauk ne’e barukten estuda le’e livru no sira sibuk mak tau taka tilun nian hodi goyeng goyeng deit,maibe la preukupa ho estuda,tamba ne’e nia husu ba feto foinsa’e sira tenki estuda maka’as hodi compete ho mane sira seluk tamba dadauk ne’e koalia konaba igualidade jeneru tiha ona.
Tuir lider feto ne’e nia hare 38,5% feto membru Parlamentu Nasional nune’e nia husu ba feto foinsa’e sira tenki iha mehi ba tinan 15 oin mai tenki compete maka’as ho maluk mane sira,tamba primeiru ministra laos mane deit,maibe tenki feto mos bele iha future.
Hahú husi Parlamentu Nasional mai to’o membru Governu no diretora sira iha kada ministeriu balun inkluindu iha fatin sosiedade sivil labele tauk iha vida politika,tamba feto matenek laos mane deit ne’ebe halo komparasaun mane no feto, feto balun matenek liu fali mane.alm
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template