Headlines News :
Home » , , , , , , , , , » Feto Foun Lori Banin Ho Laen Ba Tribunal

Feto Foun Lori Banin Ho Laen Ba Tribunal

Written By Timor News Online on 11/20/2014 | 8:05 PM



Lezada Jacinta Gonçalves hanesan fen husi arguido Benzamin da Costa no feto foun husi arguida Manuela Monis tenke hodi laen ho banin feto ba tribunal tanba hetan ameasas husu sira nain rua.
Tuir akuzasaun husi Ministeriu Publiku (MP) katak, iha loron 26-27 Marsu 2014 tuku 20:00 OTL, arguida (red-banin feto) ba iha lezada ninia uma iha Lahane, Dili ne’ebe hanesan mos arguida nia uma ameasa lezada ho ninia oan feto Felisia Patricia husi uma, entaun ho tauk maka lezada telefone ba Polisia no momentu ne’e kedas Polisia ba duni fatin akontesementu, tanba ho ameasas ne’e MP akuza arguido ho ninia inan ho krime ameasas ho artigu 157 kodigu penal.
Hafoin rona tiha akuzasaun tribunal husu ba arguido ho nia inan katak akuzasaun sira ne’e los ka lae, arguido ho nia inan dehan katak akuzasaun sira ne’e falsu signifika katak sira la ba ameasas feto foun iha uma, maibe atu ba klarifika deit ba feto foun katak relasiona ho kazu civil ida ne’ebe mak hetan tiha ona desizaun husi tribunal iha loron 25 Marsu 2014 kona ba alimentu husi aman ba oan, iha ne’eba lezada promete katak atu sai husi uma, tanba ne’e maka nudar bain feto hakarak ba komfirma fali, maibe to’o iha ne’eba mosu diskusaun ida entre banin ho feto foun entaun hodi to’o tiha mai iha Tribunal.
“Hau ba iha loron ida deit mak iha loron 27 ne’e, hau ba nudar banin hau ba husu ha nia feto foun katak promete iha tribunal atu sai husi uma ne’ebe hanusa ona, hau husu hanesan ne’e deit kona ba dehan ameasa hau la ameasa, feto foun ne’e hahalok ladiak ne’ebe hau lagosta,” dehan Arguida Manuela.
Iha fatin hanesan, arguido Benzamin mos klarifika ba tribunal katak nia ho nia inan la ba ameas lezada, tanba ba uma Lahane ne’e nia inan mesak ba husu los deit kona ba dehan ameasas lezada telefone tiha ona Polisia mak nia foin ba.
Iha fatin hanesan, Lezada Jacinta Gonçalves deklara ba tribunal katak, arguida ba uma kalan rua tuir malu, iha ne’eba arguida trata nia ho liafuan at no mos haruka atu sai husi uma, entaun momentu ne’eba nia sente tauk telefone ba ninia familia iha Caicoli no sira hodi telefone liu ba Polisia.
“Hau nia banin ne’e ibun ladiak interese sasan mak barak, maibe nia lahatene katak nia oan mane ne’e ami nain rua hola malu la serbisu hau mak serbisu to’o hau hetan oan ida tur ahi (partu) mai mos nia abandona deit hau duni mak buka osan hodi sustenta nia to’o agora la fo buat ida,” dehan Lezada iha audensia julgamentu.
Arguido Banzamin hanesan mos Mate Restu Masakre Santa Cruz ne’e oras ne’e dadaun simu hela osan nudar mate restu no lezada serbisu iha Embaixada Amerika.
Rona tiha deklarasaun ne’e, Ministeriu Publiku halo kedas alegasaun ba kazu refere.
Ministeriu Publiku husu ba Tribunal atu aplika pena prijaun tinan ida prijaun no suspende tinan tolu ba arguido ho ninia inan bazeia ba faktur ne’ebe mak prova iha deklarasaun, parte defeza husu ba Tribunal atu aplika pena suspensaun.
Kazu ne’e rejistu iha tribunal ho numeru prosesu 839/2014/TDD, prejide husi Juis José Maria Araujo, MP reprejenta husi Prokuradora Bemvinda do Rosario, arguido sira hetan asistensia legal husi advogado Marcelino Marques, kazu ne’e adia fila ba iha loron 2 fulan Dezembro rona desizaun final. may
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template