Headlines News :
Home » , , , , , , , , , » Folin Sasan Karun, Konsumedores Landmark Menus, TP Ho Lider Butuk

Folin Sasan Karun, Konsumedores Landmark Menus, TP Ho Lider Butuk

Written By Timor News Online on 11/20/2014 | 7:57 PM



Konsumedores dadaun ne’e balu hili liu sosa sasan iha Timor Plaza (TP) inklui loja Leader, tanba folin sasan baratu kompara ho loja Landmark ne’ebe maka sasan ninia folin karun liu.
Husi folin sasan ne’ebe mak iha TP no Leader tun ne’e halo konsumedores husi dader to’o kalan tama sai hela deit loja refere hodi sosa sasan hahan no mos sasan sira seluk ba nesesidades lor-loron nian, tantu iha loja Landmark ema ida rua deit mak tama hodi sosa sasan.
Iha Timor Plaza (TP) masimidar kilo 1 ho folin $ 85centavos, kilo 2 $ 1.60centavos, no kilo 5 ho folin $ 3.90centavos, mina Bimoli litru 5 ho folin $ 6.50centavos, mina OKI litru 3 $ 2.75centavos, masan (apel) plastik ida fuan 5 $ 1.40centavos, nune’e mos minuman kalen (fanta, cocacola no sprite) kada dos ida $ 9.35centavos.
Tantu oha loja leader masimidar kilo 1 ho folin $ 1, manutolun rak 1 $ 4.90 centavos, masan (apel) falun ida fuan 6 ho folin $ 3, tomate falun ida ho folin $ 1.25centavos to’o $ 2.20 centavos, lis tahan futun ida $ 50 centavos, modo mutin plastik ida ho folin $ 75centavos to’o $ 1.48centavos, mina Bimoli litru 3 ho folin $ 3.50centavos, litru 5 ho folin $ 7,25centavos.
tantu minuman kalen iha loja Leader hanesan, (Fanta , Cocacola, Sprite) dos ida ho folin $ 10.80centavos, Sagiko dos ida ho folin $ 11.20centacos, ABC dos 1 $ 38.50centavos, Tiger dos ida $ 32.75centavos.
entretantu iha parte seluk loja Landmark fa’an mina Bimoli litru 5 $ 8, litru 3 $ 3.50centavos, masimidar kilo 1 ho folin $ 1, kilo 2 $ 1.90centavos no masan (apel) plastik ida fuan 4 ho folin $ 2.50centavos.
“Kuandu ami sosa sasan hanesan modo, manutolun no minuman kalen sira, hand body no seluk tan ne’e ami gosta sosa iha loja Leader no TP, tanba folin diak ne’ebe kuandu ami persiza sempre mai sosa iha loja sira ne’e para labele hasai osan barak e hasai osan oituan maibe sasan barak,”Inacia Soares, konsumedor, wainhira dada lia ho JNDiario iha Loja Leader Kuarta (19/11) hafoin sosa sasan iha loja refere. Nune’e mos jovens ne’ebe mak lakohi publika ninia identidade iha TP hatutan katak, sasan folin iha TP diak duni, tanba senti ladun karuk hanesan loja sira seluk.
“Uluk hau seidauk tama mai sosa sasan iha TP hau hanoin sasan karuk liu tanba ita hare deit ninia infra-estruktura ne’e diak tebes, mas afinal sasan iha laran baratu fali, entaun hau iha loja seluk mak husu sasan nia folin karun liu entaun mai fila fali TP mak sosa,”dehan nia.
Entretantu Domingos Piedade, nudar mos konsumedor, ne’ebe mak antes TP loke sosa bei-beik sasan iha loja Landmark hateten, iha tinan hirak kotuk sempre sosa sasan iha Landmark, maibe ikus-ikus ne’e sosa sasan fila fali iha TP, Laeader no dala ruma sosa iha loja Open iha Lecidere no loja Dili Marth iha Bidau, tanba sasan folin balu baratu.
“Sasan ita kuandu hare didiak iha TP, Dili Marth, Open, termasuk Leader sira ne’e sei baratu liu, mas foin lalais hau ba fali tama loja Landmark sasan folin sae los ne’ebe agora la tama sosa sasan ona, tanba ita ba sosa iha ne’eba osan sai barak mas sasan oituan deit, ita hare sasan kualidade hanesan deit iha loja sira seluk,”haktuir nia.
Tuir observasaun Diario ne’e nota konsumedores TP barak liu kompara ho lojas sira seluk ne’ebe loron ba loron nakonu hela deit ho ema husi lokal no internasional, tantu loja Leader konsumedores mos barak ema lokal no estranjeiru sira, tantu loja Landmark konsumedores oituan deit. Rey
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template