Headlines News :
Home » , , , , , , , , , , » Francisco Guterres “Lu-Olo”: “Kria Pertubrasaun, Seitor Justisa TL Lao Kadik

Francisco Guterres “Lu-Olo”: “Kria Pertubrasaun, Seitor Justisa TL Lao Kadik

Written By Timor News Online on 11/10/2014 | 10:23 PM



Prezidenti partidu Frente Revolusionario Timor-Leste Independente (FRETILIN), Francisco Guterres “Lu-Olo, afirma, setor justisa Timor Leste sei lao kadik nafatin bainhira orgaun soberanu seluk kontinua kria pertubrasaun ka difikuldade iha orgaun soberanu ne’e.
Deklara Prezidenti Partidu FRETILIN, Francisco Guterres “Lu-Olo,” ba Jornalistas sira Segunda (10/11) horseik iha Centru Convensoens Dili (CCD), hodi fo komentariu kona ba Primeiro Ministro (PM), Kay Rala Xanana Gusmão, ne’ebe halo karta ba Parlamentu Nasional (PN) atu labele hasai imunidade ba membru Governu ne’ebe hetan ona akuzasaun ne’e Lu-Olo konsidera sei la fo kontribuisaun ba funsionamentu setor justisa ninia.
“Ba Hau hanesan eis Prezidente do Parlamentu Nasional ida ne’e la tuir ona prosedimentu, Governu laiha kompetensia para atu bele hato’o fali karta ida hodi husu ba Parlamentu atu labele foti imunidade ema sira ne’ebe involvidu iha kazu korupsaun ninian para ba hatan iha tribunal. Mesmu ate hanesan prezidenti do partidu mos hau la konkorda ho postura ida ne’e. Ita labele kria fali pertubrasaun ka kria fali difikuldade ba seitor ida ne’e, se lae ita nia Estado de direitu demokratiku ne’e lao kadik ‘bele dehan katak ain tohar,”hateten eis Prezidenti Parlamentu Nasional iha primeiru Konstituante ne’e.
“Husi modura penal ne’ebe aplika ba kada kazu korupsaun, se karik kazu sira ne’ebe menus de tinan 2 mai kraik, entaun Parlamentu Nasional bele foti ou labele foti imunidade ne’e depende husi deputadu sira iha Parlamentu Nasional. Maibe karik modura penal ne’e liu tinan 2 entaun ne’e automatiku kedas ona ne’e suspensaun ona ba sira nia imunidade, ne’e la persiza dehan parlamentu atu hasai,”espelika Lu-Olo.
Nia dehan, kazu sira ne’ebe kaer ho liman “kazu korupsaun inflagarante de lito” ida ne’e bele suspende imediatamente ninia imunidade.
Prezidenti partidu FRETILIN ne’e haktuir, ema hotu tenki iha komitmentu kombate korupsaun nune’e dezenvolvimentu iha rai ida ne’e bele lao ba oin.
“Ita nia rain ne’e atu bele lao los, atu povu ida ne’e bele hetan moris e dezenvolvimentu lao ba oin so presizu tenke hamate buat ida naran korupsaun, kolusaun no nepotismu (KKN), ne’e ita tenki kombate, tau iha ulun, espiritu nasionalismu ho patriotismu ne’e forte atu bele sai servidor diak ba rai no povu ida ne’e,”haklaken Lu-Olo.
Antes ne’e Primeiru Ministru (PM), Kay Rala Xanana Gusmão, husu ba Parlamentu Nasional (PN) atu labele hasai imunidade membru Governu sira to’o mandatu Governu Bloku Koligasaun (GBK) remata.
Pedidu ne’e PM Xanana husu liu husi karta ofisial ne’ebé PM Xanana rasik haruka ba PN iha dia 22 fulan Outubro liu ba. Nune’e membru Governu atu ba hatan iha Tribunal karik hafoin mandatu remata iha 2017.
Karta pedidu husi Primeiru Ministru ne’e oras ne’e dadauk iha meja Prezidente PN tamba ne’e meja PN sei halo diskusaun ho lideres bankada Partidus politikus iha Parlamentu Nasional.
Hafoin diskuti ho lideres bankada Partidus Politikus husi Partido Congresso Nacional de Reconstrucção Timorense (CNRT), Frente Revolusionario Timor-Leste Independente (FRETILIN), Partido Demokratico (PD) no Frente Mudanca, depois maka foti desizaun hamutuk liu husi plenaria.
FRETILIN Seidauk Hanoin Muda Konjuntura Politika
Iha oportunidade ne’e prezidenti partidu FRETILIN, Francisco Guterres “Lu-Olo” afirma, FRETILIN seidauk iha hanoin atu muda politika konjuntura iha Parlamentu Nasional, maibe FRETILIN sei kontinua kritika bainhira buat ruma lao lalos.
“Bankada FRETILIN ninian iha Parlamentu nasional prontu hela nafatin para atu bele ajuda hari’i no konsolida ita nia Estado ida ne’e, tanba ne’e mak FRETILIN iha uluk kedas hateten katak, iha akordu insidental, pontual ho bankada sira seluk para atu bele hare saida mak intrese nasional ita bele fo apoiu, maibe tuir konseitu ida hatete dehan katak, insidental pontual ne’e la signifika katak, buat hotu-hotu ne’e FRETILIN tenke fo apoiu, lae!! Buat barak que FRETEILIN tenke kontinua kritika nafatin. Ida ne’ebe mak buka konsensus ita buka ida ne’e ba intrese nasional, ne’e maka pontual e sira seluk sei kontinua nafatin, ida ne’e mak bankada sei servisu,”espelika Lu-Olo. Rey
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template