Headlines News :
Home » , , , , , , » Governu Falun Koruptor Ho Interese Nasional

Governu Falun Koruptor Ho Interese Nasional

Written By Timor News Online on 11/06/2014 | 9:07 PM



Partidu opozisaun Frente Revolusionario Timor-Leste Independente (FRETILIN), konsidera katak, Governu ne’ebe lidera husi Primeiru Ministru Kay Rala Xanana Gusmão, falun koruptor sira ho interese nasional.
Deputado, Francisco Miranda Branco, hateten oras ne’e dadauk membru Governu barak maka iha prosesu hodi ba hatan iha Tribunal tamba ne’e Governu falun ho interse nasional hodi hasai asesor, juis no advogadu Internasional sira para depois taka membru Governu hirak ne’ebé hetan akuzasaun ba korupsaun ne’e.
“Se konkluzaun ne’ebé maka ema hotu-hotu bele observa, ema hotu-hotu bele haree tamba membru do Governu barak iha prosesu atu ba Tribunal entaun dalan diak ida maka falun ho interese nasional, falun ho situasaun de forsa maior hodi aprova urjentemente i emerjensia rezolusaun ida atu hapara kontratu ba asesores sira, juis sira i halo auditoria ba Tribunal,”deputado, Francisco Miranda Branco ba jornalista iha Parlamentu Nasional, Kinta (06/10).
Tuir deputadu ne’e katak, tuir loloos Governu labele halo intervensaun no halo auditoria ba Tribunal.
Relasiona ho karta Primeiru Ministru (PM) Kay Rala Xanana Gusmão nian ba PN hodi husu PN labele hasai imunidade membru Governu to’o mandatu Bloku Governu Koligasaun (BGK) remata, deputadu ne’e afirma katak ne’e iha buat balun laloos ona tamba antes ne’e membru Governu balun ba hatan iha Tribunal diak hela tamba saida PM Xanana husu fali labele hasai imunidade membru Governu sira nian
“Ne’e laloos ona, ne’e intervensaun iha kompetensia Parlamentu nian ona, uluk membru Governu hira maka ba hatan iha ne’eba ona depois fila fali mai, fila fali ba servisu agora nusa maka akontese fali hanesan ne’e,”dehan nia.
Pedidu PM Xanana nian ba PN ne’e mós taka dalan ba Tribunal hodi hala’o nia servisu kombate korupsaun.
“Ne’e taka dalan para Tribunal sira hala’o sira nia kna’ar, prosesu barak, membrus do Governu barak ne’ebé hein hela i ita hasai desizaun ida derepenti, hanesan ne’e hatudu momos hela katak ita preokupadu, ita preokupadu katak atu taka dalan ba buat ruma,”dehan nia.
Ho rezolusaun no karta pedidu PM Xanana nian ba PN, para labele hasai imunidade membru Governu nian ne’e sei fo dalan ba koruptor sira atu halo korupsaun buras barak liu tan.
“Ita hasai tiha buat hotu-hotu ne’e ita fo dalan ba korupsaun,”dehan nia.
Prezidente Global Organization Parliamentary Against Corruption (GOPAC), ne’e afirma katak, rezolusaun ne’ebé maka hasai hodi halo auditoria ba Tribunal no pedidu PM Xanana nian ba PN ne’e sei sobu lutu ba kombate korupsaun nian.
Padidu ne’e PM Xanana nian atu labele hasai imunidade membru Governu nian ne’e PM Xanana haruka ona ba PN iha dia 22 fulan Outubro liu ba.
Pedidu ne’e deputadu sira liu husi konferensia lideres bankada sei halo dikusaun maka lori ba plenaria para deside iha plenaria.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template