Headlines News :
Home » , , , , » Governu Sobu Publisidade Laiha Lisensa – Bandu Lian Indonesia, Permite Lian Ofisial

Governu Sobu Publisidade Laiha Lisensa – Bandu Lian Indonesia, Permite Lian Ofisial

Written By Timor News Online on 11/04/2014 | 8:24 PM

Governu liu husi Gestão Mercadoria e Mantein Ordem Público Distrito de Dili (GMMOPDD), Tersa (04/11), hahú sobu sai publisidade ne’ebé monta iha dalan protokolu laiha lisensa.
Informasaun hirak ne’e hato’o husi Xefi Departamentu, GMMOPDD, Bonifasio Soares, ba JN-Diário, iha nia servisu fatin Fatuhada, Dili.
“Ohin dader (Horseik) ami hahú sobu ona publisidade ne’ebe laiha lisensa ba Estado no Governo ne’e, hahú husi Fatuhada ba to’o iha loja Lider Comoro nian oin hamutuk hat (4), no aban kontinua hahú fali husi ponte CPLP ba to’o iha Aeroportu Comoro no mos fatin publiku sira seluk,”hatete Xefi Departamento GMMOPDD ne’e.
Nia afirma, antes atu sobu publisidade sira ne’e sira nia parte fo avizu ona ba publisidade nain sira katak laiha lisensa labele monta, maibe ulun to’os nafatin, tanba ne’e mak Governu tenki foti medidas hasoru atetude hirak la responsabel ne’e.
Bonifasio hatutan, ordem tun ona husi Distrito Dili katak, ba publisidade sira ne’ebe laiha lisensa no uza lian Indonesia ne’ebe monta iha kapital Dili sei sobu sai hotu tanba ne’e kontra lei. Publisidade ne’ebe bele monta iha kapital Dili ne’e tenki hetan lisensa husi Governo no Estado no mos uza lian oficial Tetum ho Portugues.
“Servisu ida ne’e ami sei kontinua hala’o nafatin to’o sobu sai hotu publisidade sira ne’ebe laiha lisensa husi Governo no mos sira ne’ebe uza fali lian Indonesia iha kapital Dili ne’e,”dehan nia ho sériu.Nev
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template