Headlines News :
Home » , , , , » Grupu Balu Hakarak Sobu Estabilidade, PM Xanana Orienta PNTL Tiru Iha Fatin

Grupu Balu Hakarak Sobu Estabilidade, PM Xanana Orienta PNTL Tiru Iha Fatin

Written By Timor News Online on 11/24/2014 | 1:47 AM



Dadauk ne’e, iha grupu deskoñesidu balu ne’ebé halo movimentu iha Dili laran hodi buka atu sobu estabilidade iha sosiedade Timor Leste nian.
Ho situasaun ida ne’e, Primeiru Minstru Kay Rala Xanana Gusmão orienta Polisia Nasional Timor Leste (PNTL) atu silu tohar sira nia liman kaer kona no tiru iha fatin bainhira sira koko atu halai.
PM Xanana hasai orientasaun ne’e ba PNTL, relasiona ho mosu grupu deskoñesidus ne’ebé hahú provoka fali situasaun iha rai laran liu husi asaun hakerek lia fuan aat iha didin lolon sira iha estrada ibun, iha kampus no iha fatin-fatin iha Kapital Dili hodi hateten aat ukun na’in sira no mós ema nia lider relijiaun nian.
Xanana dehan, nia fó ona orientasaun ba polisia atu labele halimar ona. Se halai tiru, kaer kona silu tohar liman. Kuandu ema kestiona polisia nia hahalok sira ne’e, Xanana maka sei ba hatán iha tribunál.
“Ha’u atu dehan deit ida ne’e, imi sira ne’ebé pinta estraga hodi hakerek buat sira ne’ebé ita la permiti no ita nia konstituisaun la permiti, i ita nia kultura la permiti, ha’u aviza ba imi, ha’u dehan tiha ona ba polisia sira, kaer imi la hatama iha kadeia ida, maibé silu tohar imi nia liman, imi halai ho motor tiru tohar imi nia ain. Tanba la’os ema na’in rua-tolu maka atu estraga ita nia sosiedade,”hateten PM Xanana Gusmão ba Jornalista sira iha Tasitolu Domingo, (23/11), bainhira ba haree liafuan sira ne’ebé maka ema hakerek iha Selamat Datang Tasitolu.
Lia fuan sira ne’ebé maka ema hakerek iha didin lolon estrada ibun ne’e maka hanesan, Anti Muslim no Muhamad SAW Si Raja Ngentot Hiper Sex.
“Ha’u triste tebes, tanba ha’u rona no haree katak, iha Dili komesa mosu grupus ne’ebé hakerek iha didin lolon hanesan iha fatin agora dadauk ne’e, (Tasitolu) hateten katak, anti muslim,”dehan Xanana.
Nia haktuir, lia fuan ida ne’e, kontra Timor Leste nia kultura, tanba kultura Timor Leste nian ne’e, laiha anti tun sa’e. Xanana haktuir, hahalok ema ne’ebé hakerek lia fuan hanesan ne’e sala bo’ot.
“Tanba ida ne’e maka, ha’u bolu Komandante Polisia atu fó hatene. Ha’u mós husu ba Xefi Suku sira no komunidade tomak katak, kuandu hatene se deit maka liman katar mai hakerek buat sira ne’e atu sobu sosiedade ida ne’e, kaer baku tasak, silu tohar tiha nia liman, para fó hatene ba mundu katak, buat ne’e ita la permiti,” Xanana alerta.
Xefi Governu ne’e dehan, anti muslim ne’e, Prezidenti Amerika Obama, Tony Abbot ho bobot sira iha Europa ninia problema, la’os Timor Leste nian.
Nia dehan, Timor Leste iha kultura ida ne’ebé hanaran toleránsia. Tanba ida ne’e, Xanana dehan, nu’udar Primeiru Ministru, nia sei la permiti se deit maka hanoin atu sobu sosiedade ida ne’e.
“Ha’u fo ona instrusaun ba Polisia, kuandu kaer, husu se maka haruka nia halo hanesan ne’e, to’o ita hatene atu kaer to’o iha ne’ebé. Tanba ema hakarak bo’ok ita, hakarak sobu ita no halo ita haree malu ladi’ak, ita tuda malu, baku malu sira hamnasa,”katak Xanana.
Ho ida ne’e, sira atu dehan katak, Timor Leste ne’e, la merese ukun-an, tanba la serve duni. Xanana dehan, lia fuan hanesan ne’e, la’os hakerek deit iha Tasitolu (selamat datang), maibé hakerek mos iha didin lolon Ensul nia oin.
“Ha’u hakarak fó hatene ba hot-hotu katak, ha’u sei la permiti se deit, nia atu matenek to’o iha ne’ebé, nia atu oin nusa, ha’u sei buka tuir nia no ha’u sei kaer,”dehan Xanana.
Eis lider rezisténsia ne’e hatutan katak, sé mala’e ruma maka halo hanesan ne’e mós, antes Xanana atu duni nia, nia liman sei tohar hotu. Tanba ne’e, Xanana aviza ba povu tomak atu tu’ur hakmatek, hadomi malu no respeita malu.
Xanana mos husu ba joven sira atu labele hatudu hahalok at hanesan inan aman la hanorin, tanba Polisia sei la perdua, kuandu kaer kona ema ida ne’ebé halo situasaun ida ne’e.
Husi Selamat datang Tasi Tolu, Xanana ne’ebe akompaña husi Segundu Komandante PNTL, Komisariu Afonso de Jesus, Sekertariu Estadu Seguransa Francisco Guterres, Sekertariu Estadu Defeza, Julio Tomas Pinto no Sekertariu Estadu Komunikasaun Sosial, Nelio Izaac ba hare tan lia sira ne’ebé maka ema hakerek iha didin lolon Ensul nia oin.
Liberdade ne’e iha duni, maibé iha mos limitasaun. Labele halo fali relijiaun sira atu baku malu no tolok malu. Tanba ne’e, Xanana dehan, nia sei la premiti ema sei deit, atu mala’e mutin ka metan, no atu subar to’o iha ne’ebé mos, Xanana sei kaer.
Xanana aviza nafatin ba joven sira atu labele monu ba ema nia osan, ne’ebé hakarak sobu nasaun ida ne’e.
“Bainhira hau kaer kona imi, imi sei arepende arepende imi nia vida tomak mos, sei la to’o. hau aviza nafatin ba Xefe Suku sira no mestri sira atu hanorin didiak labarik sira, atu sai sidadaun ida ne’ebé diak, sidadaun ida ne’ebé hatene komporta an, sela’e imi la merese atu moris. Hau haruka silu tohar tiha imi nia liman, maka hau ba hatan iha tribunal,”hirus Xanana.
Maibé Xanana dehan, nia sei la premiti sosiadade ida ne’e atu baku malu no hirus malu. Ne’eduni, hot-hotu ne’ebé iha responsabilidade, atu hari estabilidade, buka malu atu koalia ba malu.
Xanana mos aviza ba inan aman sira atu fó hatene ba oan sira katak, tenki hadomi nasaun ida ne’e ho nia vida rasik.
Xefe Governu ne’e dehan, ikus-ikus ne’e labarik oan sira iha tiha ona motor, kalan-kalan buka atu halai taru deit. Maibé Xanana dehan, komesa ohin kalan ba oin, nia sei haruka polisia kaer hotu motor sira ne’ebé buka atu halai taru ka halai grupu kal-kalan.
“Hau haruka prende tiha motor, hakarak ba hasai fali motor sei multa maka’as. Ida ne’e hodi bele aprende katak, motor ne’e atu aproveita ba eskola no ba servisu. Laos atu halo fali buat oi-oin,”relata Xanana.
Nia informa, antes Governu atu tau CCTV ba Estrada atu identifika malandru sira ne’e, polisia sei halo kontrola maka’as iha tempu kalan hodi kaer grupu ne’ebé hakarak sobu sosiadade ida ne’e.
Xanana esplika, ema soran Timor oan sira hanesan ne’e, Timor oan sira rasik maka sei han malu, ema seluk hamnasa.
Hafoin halo tiha observasaun ba liafuan sira ne’ebé ema hakerek iha didin lolon Ensul nia oin, Xanana kontinua ba vizita Mesjid Kampung Alor hodi koalia ho nai lulik sira islam nian kona-ba lia fuan sira ne’ebé ema hakerek iha Estrada ibun sira ne’e.
“Ema hakarak sobu ita uza meus oi-oin atu provoka, hau mai koalia ho iman-iman sira iha ne’e, sira dehan sira hatene no sira komprende katak, la’os povu tomak, maibé labarik malandru balu maka halo buat ida ne’e,”afirma Xanana.
Xanana mos promete ba nai lulik sira iha Mesjid Kampung Alor ne’e katak, nia sei buka tuir grupu ne’e, hodi silu tohar hotu sira nia liman atu bele aprende katak, sira nia hahalok ne’e ladiak.
“2006 sobu ita han malu tiha, sira hamnasa no halai hotu, entaun sira hakarak ita hanesan ne’e nafatin. Ohin sira kaer fali relijiaun, buat ida ne’ebé nunka akontese, i sei la premite atu akontese,”tenik Xanana.
Labarik sira ikus-ikus ne’e, ema husi rai liur fó tua no osan uitoan, hemu lanu tiha, sira buka atu halo buat arbiru. Maibé sira lahatene katak, kuandu sira halo buat arbiru hanesan ne’e, sira maka sei han malu no hirus malu, ema sira ne’e sa’e aviaun ba tiha sira nia rai.
“2006 Saida maka hau hatene agora, Mari la sai sei hamutuk nafatin, no sira ne’ebé sokar ita ne’e sei kaer. Maibé ita lahatene, ita sei beik no ita sei aprende. Maibé ohin ba aban, sei laiha tan. Se sei deit, o atu riku to’o iha ne’ebé, bo’ot to’o iha ne’ebé, o labele bok tan Timor,”dehan Xanana.
Xefe Governu ne’e aviza mos ba rai liur katak, Timor oan matan nakloke tiha ona, tanba aprende tuir ona sala sira ne’ebé maka liu tiha ona. tanba ne’e, Xanana dehan, ohin loron laiha ema ida atu mai aproveita tan.
Xanana kontinua husu ba joven sira atu kuidadu an, hodi hadomi rai ida ne’e, tanba ema barak mate atu Timor oan kaer rasik nia kuda talin ne’e katak, hadomi rai ida ne’e atu hadia rai ida ne’e.
“At liu sei ita hatun fali ema seluk, no hatun fali relijiaun seluk. Ida ne’e ita nia kultura la premiti. Tanba ne’e maka hau mai dehan ba iman-iman sira iha ne’e katak, pozisaun Governu nian maka ida ne’e, karik maka imi rona katak ema sira ne’e maka halo, fó hatene mai hau, atu hau kaer tiha hodi silu tiha sira nia liman,”dehan Xanana.
Xefe Governu ne’e dehan, nia fó ona orientasaun ba polisia sira katak, komesa ohin kalan ba oin, polisia sei halo operasaun hodi buka grupu ida ne’e.
Tanba lia fuan sira hanesan ne’e, atu Khatolik mos, maromak la premiti, atu Budha mos la premiti atu Islam mos la premiti.
“Hau aviza ba joven sira ne’ebé malandru ne’e, hau sei kaer silu tohar tiha imi nia liman maka lori imi ba imi nia inan aman atu eduka imi,”hatete Xanana.
Alende ne’e, tuir observasaun jornalista Jornal Nacional Diário ne’e nota katak, PM Xanana fila ona husi Jakarta ho kondisaun diak.
Antes ne’e PM Xanana infrenta moras kotuk laran no rings, hodi ba hala’o tratamentu iha Jakarta durante loron hat (4), no iha Dominggu horseik PM Xanana fila fali mai Timor Leste ho oin matak fali.tap
Source: Diairu JN
Share on :

2 comments:

  1. Avo Nana hau aseita 100% ba ema kakutak nanotak sira no fuan tohik sira nebe gosta atu estraga estabilidade diuk liu silu toha nia limana no silu kleuk mos nia kakorok maibe sei manggame entau tiru tohar tan nia ain. sira ne'e tua sabu nia atan nebe ita lalika tolera fali ho sira. laos inan aman mak la eduka maibe sira mak lafiar tan sira nia inan aman. balun ameasa tan inan aman ho sira nia grupo. la hatene sira simu edukasaun husi nebe karik? hau espera katak sira lahalo juramento ho bandeira ka rai nain husi fatin seluk maibe moris fali nasaun ida nee no moris husi rai ida ne'e tanba rai nain sira iha ne'e sei babeur sira bebeik.

    ReplyDelete
  2. SALAM KOMPAK SELALU….dan selamat buat yg JUPE hari ini.
    KALAU ANDA INGIN TAU INFO TOGEL, KENAL,KAN NAMA AWA IBU BAKTIAR YUNITA, KAMI TINGGAL SARAWAK PEKERJAAN USAHA KECI-KECI LAH, DAN TUKAN MASAK DI RESTORAN ,SELAMA KAMI KENAL YANG NAMANYA KI JAYA NASIB KAMI TIDAK SEPERTI YANG DULUH… KAMI SANGAT BERTERIMA KASIH KEPADA KY JAYA BERKAT ANGKA YANG DI BAGI SAMA BELIAU.DAN ALHAMDULILLAH TEMBUS.DAN KAMI MINTA ANGKA,4D…5D…DAN 6D…
    ANGKA NAIK YAITU,DI.
    SPORTS,TOTO 4D,5D, 6D ,5-4-4-2-1-8
    SIAPA TAU AWA SEMUA MAU SILAH KAN GABUNG SAMA KAMI,DI BOCORAN RAMALAN TOGEL,KI JAYA…
    DAN KAMI BERSUKUR HASIL PASANG TOGEL TGL,14,03 ,2015…
    ….
    SEMUA UTANG UTANG DLM KELUARGA KAMI KINI DPT TERLUNASI SEMUA,KAMI PUN BISAH MEMBUKA USAHA KEMBALI,WALAUPUN ITU DGN CARA PASANG TOGEL, ITU MERUPAKAN RESKI BAGI KAMI SE- KELUARGA ,JADI YG SERING KALAH DLM PERMAINAN TOGEL HUBUNGI AKI/SMS KE NMR INI,085-321-606-847—KESUSAHAN ANDA DALAM MAIN
    TOGEL DI,JAMIN [3] KALI PUTARAN…
    ATAU, KUNGJUNGGI, BLOG, KI JAYA…
    DAN SUKUR ALHANDULILLA MENANG LAGI, …
    Terima kasih yang amat dalam kami ucapkan kepada KI JAYA yang telah memberikan kebahagian bagi keluarga kami…berkat Beliau kami sekarang udah hidup tenang..sudah tidak di kejar-kejar hutang …Kami di berikan Angka Ritual Ghoib Dari KI JAYA yang sangat sangat Jitu 100%…hingga kami sekarang merasa tenang lagi…terima kasih KI …Jika Anda ada yang merasa kesulitan masalah Nomer Toto apakaH 2D.3D.4D.5D.6D.itu semua terserah anda, silahkan HBG ATAU SMS Aja Pada KI JAYA…di nmr hpnya [085-321-606-847] pasti anda akan merasakan apa yg selama ini kami rasakan…Salam Bahagia dan Sukses..!!
    DENGAN ANGKA GOIB ,ATAU ANGKA RITUAL// ANGKA MAHLUK HALUS….
    angka GHOIB: singapur 2D/3D/4D/
    angka GHOIB: hongkong 2D/3D/4D/
    angka GHOIB; malaysia
    angka GHOIB; toto magnum 4D/5D/6D/
    angka GHOIB; laos
    angka ritual gaib kuda lari
    TOTO, 2D, 3D, 4D, 5D, 6D…
    SUPREME TOTO 6/58,/MEGA TOTO,6/52,POWER TOTO 6/55…
    MAKNUM 4D,/STS,/88,/DA MA CAI 1+3D,/ DAN LAIN-LAIN parah pencinta togel.
    DAN LAIN-LAIN,ITU SEMUA TERGANTUNG PERMINTAAN KAMI…ATAU SEPESIAL DEROH 4D ANGKA RITUAL ADA PADA KI JAYA…..
    Di jamin anda pasti menang seperti kami >>>>>>

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template