Headlines News :
Home » , , , , , » Hakerek Lia At Iha Parede UNDIL, Reitor Deskonfia Dosente Balun Mak Organiza

Hakerek Lia At Iha Parede UNDIL, Reitor Deskonfia Dosente Balun Mak Organiza

Written By Timor News Online on 11/18/2014 | 7:29 PM



Universidade de Dili (UNDIL) indetifika ona ema nebe halo defamasaun (hakerek lia fuan at) hasoru Primeiru Ministru Xanana Gusmao, iha Domingo 16 Novembru 2014 liu ba nee liu husi kamera CCTV Universidade nian.
Ema nebe halo defamasaun nee ho naran inisial IGA nudar alumni Universidade Dili (UNDIL) nebe hetan ona graduasaun iha tinan 2013. Husi CCTV nebe iha nee IGA mak hakerek, bainhira tama kampus ho razaun atu halo foto kopia dokumentu balun.
Xanana Gusmao, atual Primeiru Ministru nee nudar mos presidente fundasaun Boakril, Universidade Dili nian.
Reitor UNDIL Antonio Cardoso esplika kronolojia hakerek at iha parede UNDIL ne’e katak,ema ne’ebe mak hakerek lia fuan at ne’e laos estudante,maibe nia Alumni UNDIL graduadu iha Kuarta graduasaun 2013.
Lia fuan ne’ebe mak hakerek iha didin (parede) fakuldade direitu nian ne’e lia fuan tolok,maibe oras ne’e dadauk reitor apaga tiha ona (hapus),maibe ninia bekas sei iha,tamba laos hakerek ho piloks,maibe hakerek ho sasan kroat balun ne’e mak letra ne’e kona didin no parede kuak tama hodi bekas sei iha nafatin.
“Hau rona informasaun hau telefone kedas ba Vise reitor Terseiru ba asuntu estudantes hau hatete kedas ne’e sira mak halo no hakerek nune’e taka falta nia mak ba hare lae maibe nia mak hakerek” hatete reitor UNDIL ba JNDiário iha nia kna’ar fatin kampus UNDIL Maskarinhas Dili,Tersa (18/11).
Tamba ne’e reitor UNDIL ne’e hatete kedas ba Terseiru Vise Reitor ba asuntu estudante ne’e atu fo hatene lalais ba xefe IT UNDIL nian atu bele loke lalais kamera CCTV hodi bele detekta,realidade reitor nia prediksi la sala maibe realidade duni,tamba iha CCTV UNDIL nian ne’e loke identifika Alumni UNDIL nee mak hakerek duni didin iha fakuldade direitu nian.
Reitor UNDIL Antonio Cardoso esplika klean liutan,hafoin liu loron ida Segunda Feira (17/11) polisia intelejensia ho Polisia Nasional Timor Leste (PNTL) ba halo kapturasaun Alumni UNDIL ne’e hodi detein ba sela 12 horas hafoin husik.Maibe detensaun liberdade iha liur hodi tuir ninia prosesu tuir sistema judisiariu ninia.
“Hau rona no haree ba hakerek ne’e hau sente ne’e traisaun bo’ot ida hodi hasoru ita nia lideransa nasaun mak Primeiru Ministru (PM) Xanana Gusmao,tamba hanesan lideransa no semak halo demostrasaun hodi hasoru konstituisaun iha katak hakarak halo konferensia imprensa halo deit,maibe labele fere ou hakanek ita nia lideransa sira nia privasidade”hatete reitor UNDIL.
Deskonfia Involve Dosente
Reitor UNDIL realsa liutan katak,tentasaun ho interese partisu politika atu hodi hafoer UNDIL ne’e nia reitor (Antonio Cardoso) deskonfia dosente balun iha ne’eba mak organiza estudante sira ne’e liu liu iha fakuldade direitu.
Tuir reitor UNDIL ne’e nia haree ho matan katak,durante ne’e iha dosente ho xefe departamentu balun ba hanorin iha UNDIL ne’e laos ho interese nasional,maibe ho interese privadu ka partidu politiku nian.
“Razaun hau hatete hanesan ne’e,tamba hau haree ho matan iha loron Domingu mos dosente balun lori nia kolega hodi dada ba tama iha kampus UNDIL no dala ruma hala’o enkontru keta ketak sem ha konesementu husi reitor ou husi vise reitor sira”reitor UNDIL lamenta.
Tamba ne’e reitor husu no apelu ba estudante sira atu labele monu ba lasu ka tentasaun sira ne’ebe mak ba interese privadu ou partidu,maibe tenki hanoin katak,nu’udar estudante tenki estuda maka’as hodi dezenvolve ba rai ida ne’e ba oin.alm
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template