Headlines News :
Home » , , » HUSI: COMISAUN ORGANIZADORA CAPELA SÃO PEDRO MEMO KOMUNIKADU IMPRENSA

HUSI: COMISAUN ORGANIZADORA CAPELA SÃO PEDRO MEMO KOMUNIKADU IMPRENSA

Written By Timor News Online on 11/24/2014 | 1:26 AM



Liu husi komunikadu Imprensa ida ne’e ohin loron sesta-feira, data 21 Novembru 2014, Capela São Pedro Memo hetan bensaun ou Inaugurasaun husi Bispo Diosece de Maliana Dom Norberto do Amaral. Capela São Pedro Memo ida ne’e iha tinan 1979, tinan 35 liu ba, Kapela São Pedro Memo ida ne’e hari’i primeiro lolos halo ho uma du’ut didin ho au bebak/piku deit lian Bahasa Indonesia dehan “rumahnya di buat dengan alan-alan dan dingdingnya dengan bambu”.

Kapela São Pedro Memo ida ne’e iha momentu ne’ebá hetan bensaun hosi primeiro Bispo Diocese Díli Dom Martinho da Costa Lopes (Matebian ona). Iha tinan 1981 depois fulan 6 Kapela uma du’ut ne’e ahi han tia. Iha tinan 1984 Sr. Carlito Gomes (Matebian ona) eis Chefi Suco Tapo/Memo halo proposal foun fo ba Governante iha tempu okupasaun Indonesia nian. Iha tinan 1987 Kapela Sāo Pedro Memo iha mundansa halo ho uma kalen deit. Iha tinan 1989 to’o 1990 hetan inagurasaun hosi eis Bispo Diocese Díli Dom Carlos Filipe Ximenes Belo.

Depois loron 30 Agostu 1999 loron konsulta popular nian, liu tiha ida ne’e funu iha teritoriu Timor-Leste laran tomak. Kapela Sāo Pedro Memo ida ne’e hetan sobu hosi ema deskoñesidu iha momentu ne’ebá. Iha fulan Setembru liu tiha tama ba fulan Outubru tinan 1999 to’o tinan 2000 missaun ONU nia naran INTERFET militár Australia fó apoiu ba povu Timorense, iha momentu ne’ebá militár Australianu sira hetan postu siguransa fatin iha Suco Tapo/Memo hodi fo suporta hadia fila-fali ba Kapela Sāo Pedro Memo ida ne’e to’o agora.

Ohin halo konstruksaun foun hadia fila-fali ba dala hat (4) ona hosi Madres-Irmãs missionário iha Memo, mai hosi Portugal. Madres sira maka halo proposal hatama ba iha Gabinete Primeiro Ministro V Governu Konstituisional Sua.Ex. Kay Rala Xanana Gusmão, liu husi Programa Dezenvolvimentu Distritál-PDD. Tuir dadus ne’ebé Komisaun Organizadora asesu hosi kuadru avisu Kompañia Junija mak kaer, orsamentu ba obra refere ho montante USD$167.209,33.

Relatóriu badak ida ne’e ekipa komisaun organizadora ho nia ekipa kada seksaun buka Fundu Orsamentu ne’ebé mak halibur iha Díli USD$ 597,50 cent, orsarmentu ne’ebé mak halibur iha Atambua USD$ 297,50 cent, no orsamentu ne’ebé mak halibur iha Tapo/Memo USD$ 981. Kontribuisaun sarani Tapo/Memo-oan ne’ebé hela iha Díli, Atambua, no sarani sira iha Tapo/Memo ho Total Hamutuk USD$1.876.

Kapela São Pedro Memo ida ne’e lori Santo ida nia naran São Pedro iha ne’ebé lori Na’i Jesus Kristu nia eskolante ida. Tuir dadus Sensus Fo Fila Fali Populasaun ho uma-kain TLS 2010, iha suco Tapo/Memo. Ema hamutuk rihun hat atus rua tolu nulu resin walu (4,238). Mane hamutuk rihun rua atus ida hat nulu resin hitu (2,147), feto hamutuk rihun rua sia nulu resin ida (2,091), ho uma-kain hamutuk atus wula resin hat nulu (840).

Rekomendasaun

1. Komisaun Organizadora rekomenda ba Bispo Diocese Maliana Dom Norberto do Amaral oinsa mak iha futuru oin mai, ami sarani Tapo/Memo-oan no sarani hosi Suco Saburai sarani ida aktivu iha missa hori uluk kedan nune’e ami husu atu tau amo lulik permanente iha ami nia Kapela foun Sāo Pedro Memo, hodi nune’e sarani labele hein kleur amo lulik iha loron Domingo hosi Paroquia Santa Cruz Maliana.

2. Komisaun Organizadora mos rekomenda ba Amo Paroquia Santa Cruz Maliana Pe. Ernesto Barreto hare mos Diagno ne’ebé halo estágio iha Diocese Maliana oinsa mak bele tau iha Kapela Foun São Pedro Memo, wainhira amo lulik laiha bele halo missa ba sarani sira.

3. Ikus liu Komisaun Organizadora rekomenda ba Bispo Diocese Maliana Dom Norberto do Amaral toma atensaun ba fatuk primeiro ne’ebé tau tiha ona iha Suco Tapo/Memo, hosi Eis Bispo Diocese Dili Dom Carlos Filipe Ximenes Belo katak Kapela São Pedro Memo neneik ba bebeik sei nakfila-án sai ba Igreja iha futuru oin mai.


Tapo/Memo, 21 Novembru 2014

Ekipa Komisaun Organizadora

1. Gaspar de Jesus da Conceição     Númeru Telefone    : +670 77437905
2.  Ricardo Martins                            Númeru Telefone    : +670 77450545
3. Moisés Vicente                               Númeru Telefone    : +670 77291406

Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template