Headlines News :
Home » , , , » Jokowi Promete Hametin Relasaun Ho TL

Jokowi Promete Hametin Relasaun Ho TL

Written By Timor News Online on 11/04/2014 | 8:41 PM



Prezidente Repúblika Indonesia (RI), Joko Widodo (Jokowi), promete sei hatutan hodi hametin liu tan relasaun bilateral entre Timor-Leste (TL) no Indonesia ne’ebé maka oras ne’e dadauk la’o hela.
Prezidente Jokowi, hato’o komprimisiu ne’e hafoin simu tomada de posse, relasiona ho prezensa Prezidente Repúblika, Taur Matan Ruak nian iha dia 20 de Outubro liu ba iha Jakarta Indonesia.
“Prezidente Jokowi rasik fo ninia komprimisiu bot para atu kontinua nafatin reforsa relasaun bilateral ita ho Indonesia,”informa Sekretariu Estadu asuntu ASEAN (Association of South East Asia Nation), Roberto Soares, ba jornalista sira iha salaun konferensia Ministerio Negosio Estrangeiru e Cooperação (MNEC), Praia dos Coqueiros, Dili, Tersa (04/11), hafoin hala’o enkontru ho embaixador Indonesia ba Timor-Leste, Primanto Hendrasmoro.
Sekretariu Estadu ne’e hatutan, Prezidente Jokowi rasik promete iha tempu badak sei buka hasoru malu ho Prezidente Repúblika, Taur Matan Ruak, inklui lideransa Timor-Leste nian hodi hametin liu tan relasaun bilateral entre rai rua.
“Prezidente Jokowi rasik mós promete katak iha tempu badak sira sei buka oinsa maka bele hasoru malu ho ita nia Prezidente no ita nia lideransa iha Timor,”dehan tan Sekretariu Estadu ne’e.
Iha oportunidade ne’e, Roberto Soares, hato’o agradeseimentu ba Indonesia kona ba apoiu ne’ebé Indonesia fo ba Timor-Leste liu-liu apoiu asistensia ba Prezidente Repúblika (PR), Taur Matan Ruak, hodi partisipa iha serimonia tomada de posse Prezidente, Jokowi nian.
Partisipasaun PR, Taur nian ne’e monstra ka hatudu momos prontindaun Timor-Leste nian atu kontinua reforsa kooperasaun bilateral ho Indonesia.
Iha fatin hanesan embaixador Indonesia ba Timor-Leste, Primanto Hendrasmoro, lori povu Indonesia nia naran fo agradesimentu ba PR, Taur tamba bele partisipa iha serimonia tomada de posse ba Prezidente Eleitu, Jokowi ho Vice Prezidente Jusuf Kalla.
“Prezidente país rua ne’e nia hakarak maka kontinua nafatin relasaun no kooperasaun ne’ebé diak liu-liu hodi fo benefisiu ba nasaun rua ne’e,”dehan embaixador Indonesia ba TL ne’e.
Durante enkontru bilateral ne’e koalia mós kona ba liña fronteira terrestre liu-liu pontu rua ne’ebé maka to’o oras ne’e seiduak rezolve iha Distritu Oecusse. Tamba ne’e Timor-Leste no Indonesia sei kontinua servisu hamutuk iha ekipa hodi rezolve kestaun refere.
“Timor-Leste no Indonesia servisu hamutuk diak tebes tamba ne’e maka liña fronteira hotu bele rezolvidu maibe so iha pontu rua maka seidauk rezolve, maibe Timor-Leste no Indonesia iha komprimisiu hodi servisu hamutuk,”dehan nia.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template