Headlines News :
Home » , , , , , , » Kazu Conocophilips Vs TL, Taur Fiar Rezultadu Ikus TL Manan

Kazu Conocophilips Vs TL, Taur Fiar Rezultadu Ikus TL Manan

Written By Timor News Online on 11/03/2014 | 9:24 PM



Prezidente Republika (PR), Taur Matan Ruak, hatete, nia parte fiar kazu Timor-Leste (TL) ho Conocophilips ne’ebe tama iha Tribunal Arbitrazen Singapura, TL lakon iha kazu balun, maibe sei manan iha rezultadu ikus ne’ebe sai hanesan manan bot.
Kazu TL ho Kompaña Conocophilips ne’ebe lori ba iha Tribunal ne’e iha kazu balun ne’ebe Estadu TL la konsege manan iha prosesu ne’e, maibe ho konfiansa no esperiensia ne’ebe iha hatudu TL sei hetan grande vitoria iha rezultadu ikus ninian.
“Ha’u dehan uluk ita halo funu ita lakon, maibe to’o ikus ne’e ita manan bot, hot-hotu sira mak manan maibe ida ikus liu ne’e ita mak manan. Ida ikus liu ne’e ita labele fo ba ema seluk,”dehan Prezidente Republika, Taur Matan Ruak, iha Suku Lasaun, Postu Administrativu Atsabe, Administrasaun Municipal Ermera, Sesta (31/10), relasiona problema TL ho Conocophilips.
Xefi Estadu ne’e dehan tenik, atu halo buat ida ne’e tenke hasoru buat rua hanesan lakon ka manan, maibe lakon ne’e hanesan esperiensia ida atu bele manan iha ikus nian ne’ebe presiza hare didiak.
“Ita tenke pronto atu simu rezultadu ne’e, maibe ida ne’e la signifika ita atu toba, maibe ita tenke esforsu-an atu bele manan bot,” tenik PR Taur.
Eis Gerileiro ne’e afirma mós katak, esperiensia ne’ebe TL durante iha funu laran Timor oan barak mak mate no iha parte barak mak Indonesia manan, maibe iha rezultadu ikus ne’ebe hatudu TL ukun-an.
Ho kazu Kompaña Conocophilips hasoru TL ne’ebe lori ba to’o iha Tribunal Arbitrazen Singapura iha rezultadu balun ne’ebe fó sai TL lakon, maibe ho esforsu ne’ebe iha atu hasoru rezultadu ikus ho hanoin ida mak manan. may
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template