Headlines News :
Home » , , , , » Kazu ConocoPhillips, La Bandu Ema Atu Ema Espresa Ninia Hanoin

Kazu ConocoPhillips, La Bandu Ema Atu Ema Espresa Ninia Hanoin

Written By Timor News Online on 11/06/2014 | 2:31 PM



Vise Primeiru Ministru Fernando La Sama de Araujo hatete katak, Governu labele bandu ema-ida-idak atu esklarese ninia hanoin kona-ba kazu impostu entre ConocoPhillips vs Timor Leste ne’ebé dadauk ne’e la’o hela iha tribunal arbitrajen Singapura.
La Sama hatutan, esforsu ne’ebé maka durante ne’e Governu halo, hodi defende soberania Estadu ida ne’e nian.
“Kuandu Parlamentu ninia hanoin ne’e hanesan ne’e manan balun no balun lakon, husik ba, tanba ita labale bandu ema nia fiar,”hateten La Sama ba jornalista sira iha Ministeriu Finansas, Kuarta (05/11), hafoin hasoru malu ho Diretur Grandes Projetus Ministeriu Finansa, relasiona ho deklarasaun membru Parlamentu sira nian ne’ebé hatete katak, kazu ConocoPhillips, Timor Leste sei manan deit kazu balu no balun sei lakon.
La Sama mós informa katak, nia halo reuniaun ho Diretur Grandes Projetus Ministeriu Finansa atu halo avaliasaun ba grandes projetu sira ne’ebe durante ne’e la’o iha Timor laran tomak.
“Ha’u mai vizita sira, hodi koalia kona-ba saida maka ami koalia tiha ona iha reuniaun sira kotuk, hodi haree servisu sira ne’e la’o halo nusa, kordenasaun parte hot-hotu iha prosesu servisu fim do ano ne’e la’o halo nusa,”informa La Sama.
Tanba ema hotu durante ne’e hatene katak, grandes porjetu barak la’o ladun di’ak. Ne’eduni, governu tenki haree fali servisu sira ne’e, atu to’o iha fim do ano ne’e servisu sira ne’e la’o oinsa.
“Ha’u koalia ba sira iha finansa, atu haree sevisu ne’e, ita atu hakat ba ba oin ne’e halo nusa,”afirma La Sama.
Antes ne’e, reprezentante povu iha Parlamentu Nasional (PN) hatete katak, kazu impostu nian ne’ebé dadauk ne’e la’o hela iha tribunal arbitrazen Singapura, Timor Leste sei manan kazu balu deit no balu sei lakon.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template