Headlines News :
Home » , , , , , » Komunidade Preokupa Folin Nesesidade Baziku

Komunidade Preokupa Folin Nesesidade Baziku

Written By Timor News Online on 11/24/2014 | 8:21 PM



Besik selebrasaun Natal no tinan foun, komunidade kapital Dili komesa prekupa ho folin nesesidade baziku liu-liu fos, mina, trigu, manu tolun, mantega masin midar inklui sira seluk.
Komprador Angelina dos Santos informa, folin nesesidade baziku aumenta makas, mesmu seidauk tama loron bot.
“Tama Dezembru folin sasan balun komesa aumenta, hanesan fos 25 kg ne’ebe antes ne’e $13,50 cent agora aumenta $13,75 cent, mina sae ba $6,75 husi $ 6,50, manu tolun rak ida $4,00 aumenta ba $4,50 inklui Masako, masin no Ajinomoto,” haktuin Angelina ba JN-Diario iha loja Estar King Audian, Segunda (24/11) bainhira kompras hela.
Prekupasaun hanesan hato’o husi Gil da Silva katak, diak liu kompras agora rai hela, tanba loja sira kuandu besik loron bot ne’e sira hasa’e folin makas.
“Sasan folin ne’e hare komesa sae, maibe atu halo nusa. Ami sira loke kios ne’e hakarak ou lakohi ami tenki sosa depois ba iha ne’eba laos hasa’e folin maka’as kedas, maibe aumenta 0,25 sentavus, 0,50 sentavus to’o $1.00 para ami bele hetan oituan la barak mos pelumenus mina nian ne’e ami bele hetan fila fali,” haktuir Gil.
Kona ba folin sasan, Diario ne’e tenta konfirma ho loja nain Estar King no Rai Laco, maibe okupadu.
Loja Estar King no loja Rai Laco nudar loja ne’ebe negosiante kios sira sempre ba sosa sasan iha ne’eba.
Tuir servisu nain iha loja Estar King katak, tinan ida ne’e volume komprador menus kompara ho tinan uluk, ne’ebe kuandu besik Natal no Tinan Foun Estar King dada is labele.
“Agora ne’e sepi lahanesan tinan kotuk, karik tanba agora loja barak ho folin oi-oin dala ruma iha ne’e folin karun entaun sira ba fali iha fatin seluk ne’ebe ho folin baratu,”esplika fontes ne’e.
Tuir observasaun, loja Audian hanesan loja Maun Alin, Rai Laco inklui loja sira seluk, komprador antrian kuaze minutu 25 to’o 30 mak foin hasoru servidor hodi sosa sasan, tanba ema barak demais. Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template