Headlines News :

L-7, Fó Livre Mauk Moruk Ho Rezoluzaun

Written By Timor News Online on 11/18/2014 | 12:16 AM



Lider historiku iha tempu rezistensia nian, Cornelio Gama alias ‘L7’ husu ba Parlamentu Nasional (PN) bainhira atu hasai ou fo livre Prizioneiru Paulino Gama ‘Mauk Moruk’ ho resoluzaun, tamba resoluzaun nebe’e fó sai antes ne’e akuzasaun falsu deit.
Cornelio Gama ‘L7’ eis grileriu iha tempu rezistensia hanesan segundo komandante iha regiaun tres, konsidera, iha resoluzaun ne’e sira dehan ‘Mauk’ krimi lori kilat kontainer rua husi ‘Olanda’ depois polisia ba tama sai uma sira ne’e, kilat sira ne’e laiha, ne’e akuzasaun falsa deit.
“Resoluzaun Parlamentu mak hasai ho unanimidade agora Parlamentu Nasional tenke koalia, sei aban bainrua mosu konflitu ruma, iha lei ne’e dereitus liberdade, asaun demontrasaun, greve ne’e dereitu iha konstituisaun koalia hanesan ne’e, sira tenke koalia tamba saida, iha faktus ruma akuzasaun ruma, laos kaer ema ida hasai hatama deit, ukun-án ne’e los ka lá los,” dehan, Cornelio Gama ‘L7’, ba Jornalista, Sabadu (15/11) iha Universidade Dili (UNDIL), Mascarinas, Dili. le'e " Mauk Moruk Husu Livre"
Veteranus ne’e esplika katak, kilat ho farda uluk hasai husi Indonesia nian laiha ema ida mak fó, i joven sira mak naok kilat musan ida-idak mak intrega mai ami, agora kilat entrega hatama hotu ona, funu hotu ona, prozemplu sei ami mak halo fali funu nebe uluk luta ba funu ida ne’e ami mak beik, ami mak bulak.
Eis grileriu ne’e hatete, sira nia vizaun mak lakohi, lakohi atu akontese hanesan 2006 nian. Konaba Tribunal Parlamentu mak tenke Responsabiliza, deputadu sira aprova ho unanimidade sira la tuir regra nebe lei konstituisaun sira hakerek iha suratahan.
“Akuzasaun falsu ne’e krimi, agora deputadu sira halo akuzasaun falsu ne’e krimi, sira aprova tiha Unanimidade laiha Justisa ba sira ne’e labele. Agora fulan walu ona sei mak atu resolve problema sira ne’e, governo mak hasai resoluzaun bá, ne’e responsalve governo ba nia (Mauk Moruk), aban bainrua nia la sala karik, sei nia lá sala governo tenke tangung fali hamorin nia naran durante fulan walu iha kadeia,” L7 hatete.
Ho nune’e, Veteranus ne’e husu, ba Parlamentu Nasional atu responsabiliza ho votasaun imunanidade sei nia tur iha neba kaer nasaun no povu ida ne’e.
“Hau husu ba hanesan ne’e, husu ba parlamentu ne’ebe ho votasaun imunamidade hodi hatama Mauk Moruk ho Hau ba kadeia, nebe’e agora semana-semana hau asina, Parlamentu tenke responsabilidade, porenkuandu nia tur iha nebá ne’e kaer nasaun no povu nian distinu,” L7 dehan.
Ho nune’e, tuir Veteranus ne’e hare, sira tur iha nebá ne’e halo resoluzaun arbitrazen depois estraga nasaun ne’e, aban bainrua joven imi ne’e atu ba iha nebe.
“Ne’e Hau nia mensagem ita sala tolu ona, Primeiru resoluzaun sala, segundu resoluzaun mos sala, Terseiru mos sala, sala hotu, tamba ne’e, semak resolve problema sira hanesan ne’e só Tribunal,”. L7 dehan.
Iha okizaun ne’e, Veteranus ne’e dehan, liu – liu ba Tribunal hasai tiha, sei mak atu resolve problema sira ne’e, rezolve problema Tribunal hasai resoluzaun ba Tribunal ne’e só lori tinan. laos ema nebe’e agrikultur ho peskas ba tur fali iha Tribunal, ne’e defisil só ema nebe’e estuda hasae kursu mak bele tur iha nebá.
“Agora julgamentu sala ona tenke fo temperariomente tenke fo data, fulan hanesan ne’e, hatama kadeia ita haluha tiha deit ona, ne’e mak julgamentu, ne’e ita estraga ita nia nasaun ona, ita ema iha sala iha Lei konstituisaun iha ona artigus porartigus iha ona ida ne’e mak ita tenke tuir,” L7 hatete.
Tamba, Julgamentu só tribunal, laos Parlamentu mak halo fali votasaun unanimidade mak ba kaer fali ema ne’e lae, só tribunal mak asina mak kaer ida ne’e ida nebá, agora lae haluha tribunal nia servisu semak atu servisu iha nebá.
“Hau hanoin mak neon nain, sei ita iha naksalak ruma karik haree labele tolera to ikus mai ita terus mak hanesan ne’e, tamba ulun sira mak asina sala kuitadu, prozemplu APODETE, FRETILIN manan tiha UDT halo golpe ema rihun atu tolu mak mate sein justisa to agora, Indonesia legalmente kontra justisa internasional mais to agora la iha justisa, imi aban bainrua joven atu ba iha nebe’e,” L7 tenik.
Tamba ne’e, Vetranus husu, liu – liu ba joven neon wain atu bele kaer imi nia nasaun ba oin, ami terus ami hetan tiha Indepedensia intrega ba imi atu kaer, ami hanesan fasi liman ona, intrega ba imi foinsae mak matenek imi mak kaer, oinsa mak atu kaer, atu diak ka át iha imi nia responsabilidade iha imi nia liman laran.
Ne’e mak esensial, aban bainrua iha 2017, 2022 to 2030 oinsa atu katuas sira tun tiha imi mak kaer ukun tur iha leten, kuandu sala ruma konsulta labele lori ái baku deit, labele lori ái tuku deit ne’e labele. eby
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template